مرحوم يا مزن البرد

[حالة جوية]

السلام عليكم

مرثية في الفقيد مزن البرد عليه من الله شآبيب الرحمه



مرحوم يا مزن البرد ذائع الصيت ،،،، يا وافي الأخلاق راع التباشير
خبر وفاتك شتت البال تشتيت ،،،،، لعثم على مثلي صهيل التعابير
هذي حروفي عقب فقدك مخافيت ،،،، عيت توردني على جمة البير
ياما معك زانت لحوني على بيت ،،،، ورديتها بإبداع مع حسن تصوير
وياما على بشراك وأحلى المواقيت ،،،، لاح السحاب وهل وبل الشخاتير
وياما يبو خالد عفيت وتساميت ،،،، واصبحت نادر في زمان المشاهير
نفرح ونسعد بالبراري ليا جيت ،،،، لا من دخلت معرفك فارق وغير
حطيت لك بصمه ورسمه وتثبيت ،،،،، بين الرجال الطيبين المناعير
أقفت ركابك حق يا مزن واقفيت ،،،، الروح أمانه عند وآل التدابير
أقفيت عنا والمشاعر تناهيت ،،،، مانك رخيص وحكمة الله مقادير
الموت حق وكل ميّت وله ميت ،،،، يالله عسانا لا رحلنا على خير



حالة جوية

الحربي

[سفير الجنوب]

بيض الله وجهك ورحم والديك كلمات رائعة

ورحم الفقيد رحمة واسعة

[جار كحله]

الله يرحمك يابوو خالد

كلمات رائعة من شاعر له ثقله صراحه
الله يعطيك العافيه اخوي عبدالله

[حرة الحره]

الله يرحمه
وصح لسانك ابيات رائعه ومؤثره

[بقآيآ .. حرف]

صح لسانك وعلا شانك يالحربي
وأسأل الله المغفره والرضوان وواسع الجنان
لفقيدنا الغالي
كل التحايا

[خالد بن منشار]

على خير

صح لسانك

واحسن الله عزاكم وعزانا جميع

الخسارة وحده

الله يرحمه ويغفر له ويلهمنا الصبر

[ابن حماد]

صح لسانك
الله يغفر لبو خالد ويرحمه رحمة واسعه ويجعل قبره روضة من رياض الجنه
يالرحم الراحمين

[حالة جوية]

المشاركة الأصلية كتبت بواسطة سفير الجنوب

بيض الله وجهك ورحم والديك كلمات رائعة

ورحم الفقيد رحمة واسعة

ووجهك اخي سفير الجنوب
الله يجزاك خير
سررت بمرورك ودعائك

امين

[حالة جوية]

المشاركة الأصلية كتبت بواسطة جار كحله

الله يرحمك يابوو خالد

كلمات رائعة من شاعر له ثقله صراحه
الله يعطيك العافيه اخوي عبدالله

آمين يا رب

تسلم اخوي جار كحلة
سررت بمرورك واطلاعك

تحيتي لك

[حالة جوية]

المشاركة الأصلية كتبت بواسطة حرة الحره

الله يرحمه
وصح لسانك ابيات رائعه ومؤثره

امين

صح بدنك اخي حرة الحره
سرني مرورك وتوقيعك


لك التحية