دكة الشيبان

[رذاذ]

سلام منّي على الشيــبان
وباقــه من الــورد وأبيـاتي

للّـي وفآهــــم لنـــا عنـــــوان
كُلَّــن أخصّــه بــ تحيّــاتي





رذاذ

[غانم الضومري]

حياك والمنتدى بك زان
يامرحبا يا بعد ذاتــي

العالم الله انا فرحان
في كل من يمنا ياتي

[الركام]

ياوين راحوا هل الدكان
ذكرت وقت لنا فاتي

درس عرفناه من الازمان
من غاب ماظنتي ياتي

[رعد الشمال]

مساكم الله بالخير
أشتقت لكم بعد طول غياب
وقد شجعني ابو سعود على العودة لكم

[رعد الشمال]

أخر مشاركة لي بهذا المنتدى كانت بتاريخ

1 / 10 / 2011

ياسرع الايام يالله حسن الخاتمة

[الركام]

حياك الله ياابوحاتم
واهلا وسهلا ومرحبا

[غانم الضومري]

ما مت حي ولكن احباب عيني
مدري عن الايام وين ابعدتهم

هاذي هي الدنيا عسى الله يعيني
لازم تبكيهم .. مثل ما اسعدتهــم


أسعدني مروركم على دكة الشيبان
إ

[الركام]

الوقت شان وبان فعل السنيني
مريت لكن و ينهم ما لقيتهم

معاد باقي غير جر الونيني
عسى السعادة دايم في حياتهم

[الركام]

عظم الله اجرنا في اللي يغيب
حال دنيانا الفراق بلا وداع

مالنا في اللي نبي حظ ونصيب
كم من الاحباب جانا ثم ضاع

[رعد الشمال]

المشاركة الأصلية كتبت بواسطة الركام

عظم الله اجرنا في اللي يغيب
حال دنيانا الفراق بلا وداع

مالنا في اللي نبي حظ ونصيب
كم من الاحباب جانا ثم ضاع

حالنا في هالزمن حال الغريب
لااتصال ولا مواجه واجتماع

مايعالج وضعنا حتى الطبيب
حالة صعبة غزت كل الطباع