الا واعذابي

[التراثي]

السلام عليكم ورحمة الله وبركاته
ابيات شعبيه حبيت اقدمها لكم
الا واعذاب اقدام رجلي من المشراف
--
اليا اشتاق قلبي تمشي الرجل بشفوفه
--
وانا المولع الولهان والمغرم الميلاف
--
بعصرً تقل عيني بلاماه مكلوفه
--
اسوق القدم قدام وامشي والد خلاف
--
على ذكرياتً باول العمر مالوفه
--
يازين الحياه وزين اهلها بعصراً طاف
--
عليها جدى ميلافها صفقة كفوفه
--
يومً الحسد ماينذكر والقلوب نظاف
--
ولقمة غني القوم بالعدل منصوفه
--
تعاون وفزعه واحترام ووفاء وانصاف
--
ومن عفّت الرجال مايشكي ظروفه
--
رجاحة عقول وطيب مذهب وزين اهداف
--
ومن يفعل المعروف ماضاع معروفه
--
ولا عاش بين اهل الوفاء والكرم زهاف
--
لسان الردي مقطوع ويديه مكتوفه
--
زمانً من بركته تشوف الفياض ارياف
--
تدور السنه والروض مايبست جروفه
--
يهل المطر رحمه ووبله يجي هتاف
--
على الهون ياخذله شهر ماانقطع شوفه
--
ومن العيد لين العيد كن الليال آلآف
--
تعد السنه وتحس الايام مردوفه
--
لاكن الزمن ماجا على هقوت العراف
--
تغير بليا سابق انذار وبروفه
--
طلع عالماً يحتار في وصفها الوصاف
--
تغني مع الفتنه على كل معزوفه
--
تجيك الجروم كبار بس العقول خفاف
--
والاسرار مع دورات الايام مكشوفه
--
وتشوف المناكر في وجيه العصاه اصناف
--
ولا يصدق الحلاف لو كثّر حلوفه
--
فساد وحسد والبغض بين العرب ينشاف
--
كثر خير من شره يجنبك وتطوفه
--
زمان الترف والعلم والمعرفه ينعاف
--
لاصار القمر مخسوف والشمس مكسوفه
--
نشوف الحقايق ماعليها غطا ولحاف
--
ولو لفلفوها غصب ماهي بملفوفه
--
لاتكذب على العربان يامحمد الصحاف
--
ترى الصيف مقبلتن على بيتك شعوفه
--
تنطح براد الليل والا تلد خلاف
--
وخلك حذر لايذبحونك هل الكوفه
------------------------------
الشاعر ابو فهد
التراثي

[رذاذ]

صح لسانك شاعرنا التراثي ..

ابيات جميله ...

تقبل مروري وتقديـــري


رذاذ

[أبو منير السبيعي]

صح لسااانك يابو فهد
ابيات رائعة كروعة صاحبها
لك مني أجمل تحية

[غانم الضومري]

الله الله عليك يالتراثي
سبق وان راهنت على شاعريتك

صح فكرك .. صح حرفك .. دام العطاء

تحيتي

[محمد المقاطي]

حياك الله يابوفهد ، وحي ماجبت
قصيدة توجديه تأخذك إلى زمن جميل ببساطته وأهله
صح لسانك يالطيّب وبيض الله وجهك
زدنا من قصيدك الجزل زادك الله من فضله
تحيتي

[الركام]

صح لسانك ياابو فهد
قصيدة رائعة و { تراثيه }

[مقطع العروق]

صح لسانك

ابيات جميلة جداً

تقبل مروووري

[التراثي]

المشاركة الأصلية كتبت بواسطة رذاذ

صح لسانك شاعرنا التراثي ..

ابيات جميله ...

تقبل مروري وتقديـــري


رذاذ

اختي رذاذ صح بدنك
والاجمل مرورك وتشريفك
بارك الله فيك

[التراثي]

المشاركة الأصلية كتبت بواسطة صقر الايسري

صح لسااانك يابو فهد
ابيات رائعة كروعة صاحبها
لك مني أجمل تحية

صقر الايسري صح بدنك
والاروع مرورك وتشريفك
بارك الله فيك

[التراثي]

المشاركة الأصلية كتبت بواسطة غانم الضومري

الله الله عليك يالتراثي
سبق وان راهنت على شاعريتك

صح فكرك .. صح حرفك .. دام العطاء

تحيتي

غانم الضومري صح بدنك
والاعليك زود ونحن تلاميذك
بارك الله فيك