اقتراح : رحلة جماعية

[nahham]

مرحبا شباب

خير الكلام ما قل ودل

اشرايكم نسوي رحله جماعية يوم الخميس القادم وفي منطقة الثرماني الاثريه - قريبه من البره 140كم من الرياض

اولا اهي قريبه ومتوسطه لكل الاخوه من الرياض وشقرا وسدير - طبعا تمير جزء من سدير <<<<<< ياويلك ويلااه

وثانيا نشوف مع بعض اهم اثار في المنطقه والتي لا تزال قائمه الى الان

اترك المايكرفون لكم لتقرروا

[منصور المناع]

عن نفسي أنا موافق

عندما يتفق الجميع على المكان والزمان

وإلا وش رايكم تجون عندنا في تمير وتأكلون عزيمه ترقيتي

[محمد القحطاني]

انا موافق

ومن الان الخميس لكم بس ترى الغداء علي

بارك الله فيك على هذه الفكرة

[nahham]

عفوا

ما فيه علي وما علي

قطههههههههههههههههههههههههههههههههههه

بلا دلع

كلنا اخوان وما فيه مكارم

المكان والزمان تم تحديدهما فوووووووووووووووووق

البري خلك عاقل خخخخخخخخخخ

[مطوع]

امووووت في الرحلات لكن انتم بعيدين
ليت تكون في العجير وغداكم علي يالغاليين

[A7MAD]

حبيييييييييييييييييييييييييبي
قدااااااااااااااااام تلقوني هناك
اعرف المكان زين كم مره كشتنا فيه
والله غرام

[صقر البر]

كم اتمنى ان اكون معكم ولكن البعد يمنعني انا معكم بقلبي وحقي احفظوه لي

واكيد بتعذروني لاني ساكن بحايل طبعا اصلي من الرياض بس بحايل لضروف العمل



اخوكم صقر البر

[عبدالهادي المفرج التميمي]

هلا هلا هلا هلا بالكبساااااااات >>>>>>>>>> ما همه الا بطنه

بس مدري عني والجيه لكن احتمال 100% اجي >>>>>>> يعني جاي جاي الله لا يعوق بشر بإذن الله

لكن تراني مدير القطه >>>>> ناوي ياكلهم ويطلع حق البنزين ؟؟؟

اهم شي كلن يجيب كمرته >>>>> بدينا بالفشايل

ولا تنسون المنسي جيبوه >>> تعرفون وشو المنسي ؟؟ اعلمكم في البر

انا ابكون موجود في الموقع من الساعه ثمان ونصف وحولها والي وده يلحق على فطور الفوووووول يبكر

>>>>>>>>>>> هماك تقول مدري عني والجيه

اقول مشكوورين



سلام

[أبو ثابت]

ماش مالكم خوي ..!!


ماخذيتو راينا ولاعزمتونا ..
اهيء اهيء تسنكم تلمحون ..!!



بيني وبينكم انا مالي جيه الاسبوع هذا للرياض الا ان كانكم بتجون عندنا بالدمام نعزمكم على مفطح هامور ...خخخ

اذا فيه طلعه الاسبوع اللي بعد الجاي انا ابكون موجود ... ماودي اخرب عليكم جمعتكم واقول اجلوا ..خخخخخخخخخخ


(( من زين الطبايع يتشرط ؟))
المهم تروحون وترجعون بالسلامة .. الاسبوع هذا مفاجأة وصعبة لاني ماقدر اجي الا الاسبوع اللي بعده ؟

[ضحوي]

الله يوفقكم في حلكم وترحالكم
ولا تنسونا من التقارير الموثقة بالصور