وش هقوتك باللي فزع قبل ننصاه.......

[نديم المجره]

مدخل :
عندما تشتكي لاحد من الناس ويقدم لك الخدمه المطلوبه فيعتبر هذا الانسان من اصحاب الشهامه والمروءه.
فكيف اذا تقدم احدهم لمساعدتك وسخر امكانياته الماديه والمعنويه وذلك بمجرد ان ذكر له احدهم عن معاناتك قبل ان تشتكي له
فهذا الانسان لاتستطيع جميع عبارات الثناء وفاء حقه

وش هقوتك باللي فزع قبل ننصاه = وقـدم لنا الـفـزعـه قبل نـشـتـكي له

وبادر بفـزعـاته لنا قـبل نـنـخــــاه = من شان يحمي وجيهنا من الفـشيله

عـبـدالعـزيز مـحـمـد الله يرعـــــاه = ولـد العـريفي شال عـنا الـثـقـيـلـــه

والله لـــــولا خــالـقـه ثم لــــــولاه = كـان الزمـان يـلـفـنـا في شـلـيــلـــه

هـذا الذي يستاهـل العـز والـجـــاه = واحـد ويسوى بالـمـواقــف قـبـيـلـه

عـزالله ان الـمـدح والطـيب يزهـاه = الـنـادر اللي مالـقـيـنــا مـثـيـلــــــــه

له مـدتن كـل الـخـلايـق تـمـنــــــاه = لله دره مايــمــد الـهــزيـــلــــــــــــه

يارب تسعــد ولـد عـمي وتـاقـــــاه = ويارب تعـطيه العـطايا الجـزيلــــــه

الله يرحـم من عـلى الطـيـب ربــاه = عـسى جـنان الخـلد تصبح مقـيـلــه

ولاهـان ابوخـالد عن الوضع نـباه = سلطان عـل اسنين عـمـره طـويـله

اعـيـال عـمي عـزوتي بالـمـلاقــاه = واللي ماعـنـده مـثـلهـم عـزتي لـــه

احمد بن عبدالرحمن العريفي
(نديم المجره)

[ابو سلطان العتيبي]

صح لسانك شاعرنا القدير
"نديم المجره"
على هذه القصيده الجميله ...

والنعم في المادح والممدوح

ودي واحترامي لشخصك الكريم

-

[هرامش]

صح لسانك شاعرنا القدير
"نديم المجره"

[صبح المطر]

يا سلام

صح لسانك ولا هان شانك يا نديم المجرة
ابدعت وامتعت
بيض الله وجهك
تحيتي

[غانم الضومري]

ومن لا يشكر الناس لا يشكر...

أبدعت يانديم في من يستحـق

بيض الله وجه عبدالعزيز
وجزاه الله الثواب بالدارين

دام العطاء ..

تحيتي

[عايد]

قصيده راااائعه وجزله من رجل وشاعر لا يأتي الا بالجزل السمين
تقبل استاذي مروري
مع خالص الوود والاحترام لشخصك الكريم

[أبو عبدالله]

صح السانك وعلى شانك
ونعم بابن محمد والنعم فيك يانديم

[عبدالمحسن الرحمه]

ياسلام عليك شاعرنا عزالله انها بالصميم صح ابدنك حتى ترضى