سلامي عدد ماسار هذا الزمان ودار

[الركام]

ســلامي عـدد ما سار هـذا الــزمـان ودار
وعــدد مــايعـيـش الــرجــل ويـورث اولاده

على اللي بذكر الهضب لسمه يجي تذكار
خـبـيـر بـطـرقـــه بين مـحـــدار وســنــاده

وش اخـبـار رجـلـك علـهـا تقـبل المـشـــوار
ترا مـنـت طـايعـهـا ولا النـفــس معــتــاده

تحـب الـخـلا والـبـر ولك عـادة الـتسـفـــار
عـلاجـك على مـاكــنــت لاتـتـرك الـعــاده

ولــو كـثـرت الارياء فــسافــر ولا تحــتـــار
ومن صد عن رغبة هوى النـفـس مافــاده

مدام ان سفراتك بها البـحـث والتـفــكــار
فـلا فـيـه غــير الــخـيـر تـلــقــاه وزيــاده

علاج الـبشـر فيه اخــتلاف وفـيه اســرار
فبعض البشر يلـقـاه في فراش ووسـاده

وعـلاجــك ترا مابين سـهـل وبين اوعــــار
فـكـل على مـاعـــود الــنـفــس تعــتـــاده

مثـل طـير حــر قـرنـسه لـلـهـدد صـقـــار
ومثل طير حـر جـنـب الـشــبك ماصـاده

ترا هالـحيـاة ازمان مخـتـلـفـة الاطــوار
ومـافــيــه حـال يـدوم وكــل لـمـيـعـــاده

عساك السعادة والسـلامة من الاخـطــار
ولافــيــه احـد مـحـصـل كـــل مــــاراده

وعسى الله يجنب كـل مسلم عذاب الـنـار
وخـلــود بجــنه سعد من طـاب مـقـعــاده

وصـلوا على المـخـتـار مانبتـت الازهـــار
وعـدد مايـبـس زرع يراقـــبـه حـصـــاده

الركام

[شطر]

ماشاء الله
ابداع يالركام صح لسانك على هالجزله
طرق منكوس ولا اروع
لله درك

[أبو سيرين]

الله الله

صح لسانك اخوي الركام

والحقيقة كل أبيات القصيدة رائعة

يا ليت ما تبخل علينا بقصائدك سواءً الجديدة أو القديمة التي لم تعرضها في المنتدى

تحياتي وتقديري لك

[رعد الشمال]

صح لسانك 1000 على هالرائعة بحق يابو سعود
لا تحرمنا جديدك

[عبدالهادي المفرج التميمي]

صح لسانك اخووووي
قصيدة جزله وابيات جميلة
تسلم يمينك على ما كتبته وابدعته
مشكوووووور





سلام

[رذاذ]

الله .. الله ..
صح لسانك شاعرنا
الركام
ماحييت على هذه السمفونية
وهذا البوح العطر ...
حبكة شعرية لا يتقنها إلاّ قلة وأنت احدهم ..
نص جميل ثري بمقدره شعريه
باذخة العطاء ...

راقني حرفك المتفرّد بالجمال ...
بإنتظار جديدك دوماً ..

لسموّك أكاليل من الجوري ​.



رذاذ

[عايد]

ألركام شاعرنا المتميز لقد قلت بأنني لن ادخل الا زأرن والملا غلط وسامحوني .... ولكن قصيدتك اجبرتني على الرد فهي قمه في الروعه والجمال ... انت عظيم وشعرك وقصأدك عضيمه
انت متوفق وفاقت نفسك عليك ... لله درك ع هكذا شعر ....
انا معجب كبير بهكذا شعر
اتمنى ان اكون بربع ما تتميز به

[بقآيآ .. حرف]

قصيده عنوانها الأبداع هي أقل ما يقال في حقها وحق شاعرها
صح الله لسانك يا أبو سعود
جزالة المعنى من جزالة شاعرها
كل التوفيق والتحايا

[الركام]

صحت ابدانكم جميعا
واشكركم على كرم المرور