بسم الله الرحمن الرحيم مشاركة رفيقي في فقد طيره ( فجحان ) معذور ياقلبٍ معذب ومنتل/ قلب الذي ذاق الفراق الوكادي/ وجدي على حاله ولو دمعهم هل/ ومالوم عينه لو تعاف الرقادي/ قلت به الحيلة على الطير الاكحل/ قفت به اهبوب الرياح الشدادي/ فجحان وينك صاحبك مابعد مل/ دايم على رجواك وين أنت غادي/ تعال ياطير السعد أنت الأجمل/ تعجب صقاقير الملا بالهدادي/ عذبتني والجوف منك تزلزل/ هذا قدر ربي ولي العبادي/ ياليت ذكراكم عن القلب ترحل/ ونسا السنين اللي مضت بالودادي/ لاكن عذاب واعذابي ليا حل/ ذكراك يا طير السعد قمت أنادي/ متى تجي يبرد قليبي من الغل: تبرى جروح ن مرمسات وجدادي: معذور منهو عنك فجحان يسأل: على صقور الصيد صقر ن قيادي: تصيد خرب ن بالسما مالها ظل: لو كان بسلاح ن رمى مايصادي: يلومني فيك الهبيل المغفل: وآقول له قلبك سوات الجمادي: ويشد حيلي راعي الراي الأنبل: وآشوف رايه مثل مسك ن وكادي: فجحان وينك ثومة القلب تحتل: عقبك فلا فارق عيوني سهادي: من بعدكم كني من اسلاحي أعزل: بالمعركه لاجا نهار الطرادي: على طيور ن للهدد أنت الأكمل: فعلك عظيم مشابه ن للزنادي: فجحان مالك حق معطيني أشكل: ماصارلي زرع ن نهار الحصادي لاتحسب إن بعدك على قلبي أسهل: ارجع طلبتك خل عنك العنادي: مابي عقل لو كنت أنا قبل الأعقل: جنبت من بعدك جميع النوادي:
صح لسانكم اخوي عبد المحسن ابيات جزله ولاهي مستغربه
صح لساااااااااااااااااااانك
قصيدة جميلة جداً أخي عبد المحسن الرحمه وعقبال قصيدة يتغنى بها العرب من الخليج إلى المحيط وأتمنى لك التوفيق والسداد حفظك الله ورعاك
صح لسانك على القصيده الوافيه
عبد المحسن الرحمه انت ماشاء الله تبارك الله تعديت مرحله ان فيه احد يقيم قصايدك لانك ابدعتا جعل ربي يسمح امرك بالنسبه لي انا وشلون اقيم قصيده قائلها بحر في الشعر وهذي حقيقه وربي يشهد ونا تراي شايب مااحب اجامل احد بس الحق حق جعل ربي سمح امرك
صح لسانك عبدالمحسن الرحمة قصيدة جزلة
شطر صح الله ابدنك كل الشكر على الرد الطيب
تابع سحاب صح ابدنك شكرا لكم
2016-04-11, 11:59 PM
معذور ياقلبٍ معذب ومنتل
العرض العادي
