قام حظك وحظنا اللي قعد

[وقاد]

[align=center]
السلام عليكم ورحمة الله وبركاته

بعض الناس يوم انه زميل لك وهو يا طيبة وش احليله ..

لكن تعرفون الدنيا متقلبة ودوارة احيان تطق معك وتسنع الامور ..!!

هذا اللي صار معنا واحد من زملانا كان معنا عسل كل يوم الفطور بمكتب واحد منا ..

فجأة قام حظة وعينوه مدير وطقط طق في المراتب وسبقنا, الحظ الى قام ..

المهم انه صار له سكرتير وسوى لنفسة بهرجة .. وتغير ذاك الرجال وصابه الكبر وتغير وجهه علينا , ما عاد ندخل عليه الا بموعد ..

هذا اذا صار رايق يستقبل والا التصريف جاهز ..!!!

واظن هالجنس واجد ..

اقول ..

الـكـبر لله ولله الـكـمـــال
... والصفـات الكـامـلة له بعـد

يا *** عندي لك ســـؤال
... ليـه دايم وجهك في جـهد

ماوصلت لمنصبك بقو احتمال
... قام حضك وحظنا اللي قعد

عايش متكبرً فـيك اختيال
... تحـسـب انك عـايشً للابد

الحياة دايمً فيها احتمـال
... ميتً هالحين او يمـكن بعد

الوكاد انك قرييب للمنــال
... مـيتً فـجـأة قــرب والا بعد

والنهاية حفرةً فيها يهــال
... ترابهـا وتـدفـن فـي اللـحد

بعدها تسمع لقرع النعال
... يـوم ولا عـنك خلك والولد

وانقطع عنك كل الاتصـال
... حفرة فيـها سـعـادة او نكد

الله يثـبـتـنـا عند الســؤال
... غـير اعمالنا ما نلقى سند

حبنا الله في لبس الجمال
... دون كبـر وحــقـرانً لـ احد

ابتسم والحياة فيها مجال
... للفرح ويا الوناسة والسعد

[/align]

[الممتاز]

فيه بعض الناس لاجاها مجال ## يحسب انه حاكمً هذي البلد
كرسي الحلاق مافيه احتمال ## يقضي المده وعنك يبتعد
مادرى ان التواضع للرجال ## من خدم ربعه ولربه سجد

[رذاذ]

الله يثـبـتـنـا عند الســؤال
... غـير اعمالنا ما نلقى سند

صح لسانك شاعرنا وقآد ...
أبيات جميله تحاكي الواقع ..
وصح لسان شاعرنا ممتاز على الأبيات ..
حفظكما الله ورزقكما السعاده في الدارين ..
اللهم آمين
تقبّل مروري المتواضع أخي وقاد مع جُلّ
التقدير والإحترام

رذاذ

[صبح المطر]

صح لسانك اخوي وقاد
بالفعل هناك من يتغير ويغتر بنفسه
أبيات معبرة صريحة
تحيتي

[بقآيآ .. حرف]

رؤؤؤعه أخوي وقاد
صح لسانك وعلا شانك
لا تحرمنا من جديدك لا عدمناك
ودي

[عبدالمحسن الرحمه]

ياسلام ياسلام على الجزالة صح الله السانك
تقبل فائق احترامي واتقديري

[غانم الضومري]

صح لسانك ياوقاد .

كلمات جميله ذات مغزى

تراه يشوف اجمل ايامه ايام الفله والفطور
الجماعي والطقطقه والوتاسه مع الزمﻻء
ولكن المركز الوظيفي يحتم عليه ذلك .

اعطوه وضعه ركبوا له ريشههه

شكرا وقاد

تحيتي

[وقاد]

المشاركة الأصلية كتبت بواسطة الممتاز

فيه بعض الناس لاجاها مجال ## يحسب انه حاكمً هذي البلد
كرسي الحلاق مافيه احتمال ## يقضي المده وعنك يبتعد
مادرى ان التواضع للرجال ## من خدم ربعه ولربه سجد

صح لسانك , ورائع التعقيب .. فعلاً المناصب مثل كرسي الحلاق .. ليتهم يدرون ..!!!

شكراً لمرورك

[وقاد]

المشاركة الأصلية كتبت بواسطة رذاذ

الله يثـبـتـنـا عند الســؤال
... غـير اعمالنا ما نلقى سند

صح لسانك شاعرنا وقآد ...
أبيات جميله تحاكي الواقع ..
وصح لسان شاعرنا ممتاز على الأبيات ..
حفظكما الله ورزقكما السعاده في الدارين ..
اللهم آمين
تقبّل مروري المتواضع أخي وقاد مع جُلّ
التقدير والإحترام

رذاذ

صح بدنك ودامت ايامك معنا على الخير والطاعة ,,

شكراً لمرورك

[وقاد]

المشاركة الأصلية كتبت بواسطة صبح المطر

صح لسانك اخوي وقاد
بالفعل هناك من يتغير ويغتر بنفسه
أبيات معبرة صريحة
تحيتي

صح بدنك .. والله يجزاك خير على مرورك وتعليقك .. والله يكفينا شر الغرور