@ يافاتنه ياللي غصونك كلها غنج ودلال @

[الذعذاع]

بسم الله الرحمن الرحيم

السلام عليكم ورحمة الله وبركاته

ابياااات جدا متوااااضعه
ان شاء الله ترقى لذائقتكم

يافاتنه ياللي غصونك كلها غنج ودلال
يامثمره حب يسلي خاطري عن كل ضيق

اهواك واعشق هالسحر ياللي له رموشك ظلال
واضمى ولا ابغى غير شهدك ياحلو منك الرحيق

تدرين انا ليه أعشقك ؟ ولا بد من هذا السؤال
لأني لقيت ادواي عندك لاحضرتي أستفيق

ياعود موز ماتجيه الشمس في ظل الظلال
ياعطر ماله وصف باخذ من زفيرك لي شهيق

أستاذنك عن كل ماقلته من أوصاف الجمال
مالي على كل الوصايف يم شرواكي طريق

تدرين يالحلوه لو اني من حنانك ما أنال
كان انتهيت وشب في قلبي وبعظامي حريق

أغليك واضمى فيك واجوع وبعد مالي كمال
وارتاح لمقابل عيونك لو بجسمي ما أويق

يعني أموت بقربك وهذا الكلام ابلا جدال
انتي لي الشاطيء وانا في بحرك الليله غريق

إلك القصيده قلتها واقول لفراقك محال
ماجوز عنك ولا أشارك حبك بحب رفيق
وسلاااامتكم
الذعذاع