متابعة الأحوال الجوية والطقس (( 1 ))

[أبوريان]

الان بروق قوية غرب بريدة

والرياح شمالية قوية بااااااااااااااااردة مع رش طيب

جو خيالي.................

الساعة27-12 ليلاً

[راشد بن محمد]

الله يزيدكم ويبارك لكم ويعطينا ويعطيكم

ونشكركم على هذي البشرات الطيبة

وودي أقول لك يا أبو ريان إن الهوا ما أتوقعه شمالي

يمكن هوا " نو " أي هوا تحت السحاب والخيال بس وهو كثيرا ما يحدث مثل ذلك

والنفيض يجي تحت السحاب الممطر مهما كان وقته لكن إذا تهيأت ضروفه



ولا تقطعونا من الأخبار

[أبوريان]

المطر مستمر على شكل ديمة طيبة

يالله لك الحمد...

بريدة......

الساعة 17-1 ليلاً

[أبوريان]

الرعد يسمع الان

زاد المطر

اللهم زد وبارك


الجو بااااااارد ...درجة احرارة (17)


بريدة....الساعة 21-1 ليلاً

[عجاج]

مثل ماتفضل اخوي ابو ريان المطر الان على شكل ديمة ايضا في عنيزة

والبروق ياخون عندنا ماتفصل من كل اتجاه

وقبل شوي ارعدت عندنا وهزت ابواب البيت الله يرحمنا برحمته

[عجاج]

الان الامطار تهطل بغزارة علينا في عنيزة والمثاعب ماتلحق مشالله تبارك الله

اللهم اجعلها صيبا نافعا

[عجاج]

لازالت الامطار تهطل بغزارة في عنيزة والشوارع تمشي اللهم لك الحمد

[بارق القبله]

ما شاء الله تبارك الله
اللهم اجعله صيب نافع
طيب اخوي عجاج وين البارق عنكم نبي نفهم اللي عنكم جنوب
حول حريه والا اللي عند الله قريب ان شاء الله

[الراصد]

ابو ريان ..عجاج

لكم مني بالغ الشكر والتقدير على هذه المتابعه الدقيقه وصدقوني هناك الكثير من يودون شكركم
متعنا الله واياكم في هذا الجو الجميل واعم الله ذلك على كافة المناطق في مملكتنا الغاليه
مع تحيات اخوكم محب المطر
الرياض

[عجاج]

اخوي بارق القبلة البرق اشاهده من جميع الاتجات حتى ان البرق من فوقنا نشاهده وأكثر شي من جنوب

الله يجزاك خير اخوي الراصد ( محب المطر)

ابشركم لازال المطر ياجماعة يهطل علينا بغزارة المثاعب تصب والشوارع تمشي

ابي اروح انا ولكن الجو ماينتفوت

قولوا امين اللهم اجعله صيبا نافعا وعم بنفعه ارجاء البلاد اللهم اجعله فراش خير