يالله يـالـلــي مـاتـحـاصــى فـضـايـلــه=يــاعـــالـــمٍ بــالــغــيــب والآجــــــــال
يامنزل الماء من سحابه من السماء=تـبـصــر بـحــالــي يـاعـلـيــم الــحـــال
وإقبـل صيامـي مــع صـلاتـي ونجـنّـي=مـــن حـفــرةٍ ســـوداٍ بـهــا الأهــــوال
أحــــدٍ لـيـاجـاهـا تــوسّـــع ركـونــهــا=طــول البـصـر ويجـيـب يـــوم إيـســال
وأحــــدٍ لـيـاجـاهـا وأســالــوه يـبــكــم=تـضـيـق بــــه ويــضّــد جــــال بــجــال
يــــارب تنـجـيـنـي وتــدمــح خـطـيـتـي=وتـجـعــل كـتـابــي طــيّــب الأعــمـــال
تجـعـل كـتـابـي يـــوم أجـيــك بيمـيـنـي=لا تـــجـــعـــلـــه يالله بـــالـــشـــمــــال
مـن جـاء كتابـه فــي يميـنـه يفـوزبـه=ومـن جـاء كتابـه فــي شمـالـه شــال
ياسامعـيـن الـقـول أبـهـدي نصيحـتـي=مــا أبغابـهـا مـنـكـم جـــزاء وأمـثــال
صوموا وصلوا وإخشعو في ركوعكم=وإجـتـنـبـوا الـغـيـبـه وقــيـــل وقـــــال
تــرى النميـمـه ساسـهـا بـيـت نـمـلـه=خــــراب لا جــاهــا الــثــرى تـنــهــال
إجتنـبـوا الـحـارم ودربـــه ومـصــدره=إجـتـنـبــوا الــحـــارم تـــــراه وبـــــال
تــرى الـحــرام مـنـزّلـن فـــي كـتـابـه=والله عــطـــى دون الــحـــرام حـــــلال
وإخـشـوا نـهـارن ماتغـايـب شـمـسـه=تـذهـل بـــه الـمـرضـع مـــع الـحـمّـال
مـقـداره ألــف مــن السنـيـن بـطـولـه=مـافــيــه يـقــبــل لـلـبــشــر ســــــؤال
كــــلٍ لــقــى عــنــد الإلــــه حـصـيـلـه=مـاتـنـفـع الـدنــيــا وجــمـــع الــمـــال
أحــدٍ عـلـى الـصـراط يـمـشـي حـبــواً=وأحـــدٍ عـلـيـه أسـبــق مـــن الـخـيّـال
قلـتـه وأنــا مـانـي بــريٍ مــن الـزلـل=لـــو حـافـظـن مــيّــه يـضـيــع ريــــال
الله يـكـافـيـنــا شــــــرور إنـفــوســنــا=ويـجـعـل لــنــا فــــي جـنـتــه مــنــزال
وذكـــر الله أولـهــا وفــــي منـتـهـاهـا=بــاقـــي وخــلــقــه كــلــهــم رحّــــــال
وإختامـهـا مـنـي صــلاةٍ عـلـى النـبـي=إعـــداد ماتذري الهبوب رمال
2014-03-21, 10:42 PM
قصيده نصيحه للوالد الشاعر خشمان عقيل العضياني
العرض الشجري