قصيدة آه وقلبي على ذيك البيوت

[الصلبوخي]

آه واقلـــــبي على ذيــــــــــــك البيوت

أقفرت من عقب ساكنها فلات


قـطّـعــت مـنـهــا ليـالـيـهـا الـبـتــوت

لـيــن خـلّــت حـبــل ساكـنـهـا بـتــات

فـرّقـتـهـم بــيــن عــيّــاف ومـــــوت

أودعـــت مـجـمـوع أهـالـيـهـا شــتــات

دار ويـــن الـصـاحـب الـعـشـر الـصـمـوت

غـشـمـري الـعـبـث مـنـسـوب الـسـكــات

ويـــن ذاك الـلــي عـلــى فـنّــه يـفــوت

مـــا قـبــل فـيـمـا يـريــد مــشــاورات

قـايــمٍ لـــه يـــوم قـومــات الـبـخــوت

والـهــوى لـــه فـــي ميـاديـنـه طـــرات

جيـت صــوب الــدار فــي بـعـض الـوقـوت

ذاكـــرٍ ذيـــك الـعـصــور الـمـاضـيـات

مـــا لـقـيـت إلا عـلايـمـهـا.. ســكــوت

جــثّــم مــثــل الـحـمــام الـواقــعــات


شعر: عبدالعزيز بن ناصر الجويعد

رحمه الله