93 صورة للعزبة الجديدة وبعض الأغراض ( من السنيدي للوازم الرحلات )

[دهران]

قبل اسبوع من اليوم مريت معرض السنيدي للوازم الرحلات بالقصيم لغرض التمشي وشراء بعض الأغراض
لكن يوم دخلت قررت إني اجدد عزبة الطبخ وعزبة الشاهي والقهوة اللي في الديرة ( محيرقة - محافظة القويعية )
وطبعاً مثل أي واحد يدخل السنيدي كثرت الأغراض اللي في العربية وقامت تزيد وتزيد ووالله لو طاوعت نفسي كان يبي لي دنة اشيل فيها عفشي

المهم ما لكم بالطويلة حبيت اشارككم ببعض هذه المشتريات لعل الله أن ينفع بها , واللي بيقول هذا الموضوع دعاية للسنيدي بنقول إن السنيدي للوازم الرحلات لا يحتاج لا لي ولا لغيري في هذا موضوع الدعاية لأنه علم على رأسه نار والله يكثر لنا من هالمحلات اللي يوفرون لنا كل ما نحتاج في عالم الرحلات




هذي العربة اللي شالت اغراضي , ومثل ما تشوفون 4 مراكي صغيرة , والفرشات ماخذها من عندهم وطلبت تفصيل قماش خلفية لها وما قصروا طلعوها في نفس اليوم وشغل ولا أحلى







موقد التوأم , مقلاة طبخ , شطاف وضوء , وجرافة ومحراك للجمر







توصيلة مواقد للموقد التوأم , دلتين قهوة ستيل من النوع الجديد الفاخر , 3 قدور كاتم ستيل , كرسي السنيدي يتسفط وخفيف جا وعملي , دبة دي بي تي مع الرأس







ابريقين للشاهي ستيل السنيدي صناعة كورية , موقد تيرا صغير عملي جدا مع عدة غيارات غاز , حافظة زيت , ملقمة قهوة , إناء سيلكون







سكاكين وساطور ومسن مع الجراب , شنطة بيلات وفناجيل وشنطة بهارات , مطبقيات تمر بجراب







ليف دلال , قاذف لهب تيرا , وعلب غاز تيرا , جراب مناديل رول , سطل يسفط لغسيل البيلات والفناجيل







ذراية السنيدي مع جراب , مركب جمر مع جراب , سكين , بيز , حامل للأوعية الساخنة







شنطة عزبة مبطنة بي في سي صغير رملي مع صندوق حديد سيخ - هالعزبة للشاهي والقهوة وملحقاتها , 5 أكياس لشاهي والسكر والقهوة و والهيل والعويدي







شنطة عزبة مبطنة بي في سي وسط رملي مع صندوق حديد سيخ - هذي طبعا عزبة الطبخ , وفي الصورة الأخيرة العزبتين فوق بعض







كشاف مخيمات , مقبض قنينة مياة غازية , مصباح قابل للشحن , مسن سكاكين , بزبوز غرز







قمع سليكون ونسميه محقان , لمبات ليد جديدة وصغيرة وقوية ولا تستهلك طاقة كبيرة , محول كهرب على ولاعة السيارة وفيه منفذ يو اس بي







خازن طاقة كهربائية متعدد الوظائف ومن وظائفه تقدر تشحن به السيارة , جركل ماء مسفط , مركاة باب السيارة , مصباح ضوئي شديد التركيز يعمل على البطاريات







وهذي صورة جماعية لأغلب الأغراض .










وهنا سلمكم الله التجربة الأولى للعزبة في حوش البيت مع العائلة والوالدة جعل ربي يطول في عمرها على الطاعة ويختم لها خاتمة خير وجميع المسلمين آمين يارب العالمين


















































وتقبلوا أعذب تحية
أخوكم أبو فارس

[ابوريان الشهراني]

في كل مرة أقرأ لك موضوع أو مشاركة أذكر الله تبارك وتعالى واسمي

أقول متعك الله بالصحة والعافية وجعلك ومن صاحبك في افتتاح ادواتك في الفردوس الاعلى من الجنة ومن يقرأ أو يشارك

عزبة مباركة وعساها على الطاعة إن شاء الله

بالتوفيق أخي أبو فارس

[علاوي والنعم]

الله يعطيك العافيه
تقريرولا اروع
هنيئا لكم بالسنيدي ليت له فرع عندنا في تبوك الورد

[خالداللهيبي]

مواضيعك دائما دسمه يادهران
بيض الله وجهك
عساك سالم

[الكايف]

وعليكم السلام ورحمة الله وبركاته
ماشاء الله تبارك الله
الله يخليلك الوالده ويطول بعمره ويلبسه ثوب الصحة العافية
مبروك ماشريت الله يعطيك من خيره ويكفيك شره
ماشاء الله ماخليت شي
الله يسعدك ويبارك فيك ويرحم والديك
تقبل مرور اخوك الصغير ومحبك ابوصالح
والسلام عليكم ورحمة الله وبركاته

[بےـارق رابےـغ]

شئ رائع جدا وممتاز ونطمع بهالمحلات التجارية الكبرى للوازم الرحلات البحرية او البرية
صراحة عمل جبار من السنيدي

..
عندي سوالين الاول كيف اسعارهم
والثاني مالهم فرع بـ جدة

[الوااا(بالله)اااثق]

ما شاء الله ﻻ قوة إﻻ بالله

أخي الحبيب
دهران

عز الله إنك كفيت ووفيت الله يبيض وجهك

موضوع رائع بحق

[ابو تركي العنزي]

الله يبارك لك فيها يارب

ويعطيك خيرها ان شاء الله


تقرير جميل


حفظك الله

[هنا القريات]

موضوع شامل

ياليت علمتنا بالاسعار

مشكورا

[ممتاز]

تبارك الرحمن

مشكوووووووووووووووور