سحاااب - ياشين عيدي عقبكم ياهل البيت

[سحاب شقراء]

السلام عليكم ورحمه الله وبركاته

حي الله الغالين كلن بسمه وعيدكم مبارك قبل الزحمه وكل عام ونتم بخير ان شاء الله تعالى



ياشين عـيـدي عقبكـم ياهل البيت

وعـيـدن بلـيا احـباب وش ينبغابه

طرياالسفراثـقـل عليـه من كميـت

طرياالسفر يـدمي خفـوقـن لجابه

راحـوعساهـم بالسعد ثــم عليـت

كـفـوفــي لمنهـومايخيب الرجابه

شايب ولاكــن ماتحـملـت وزريت

شايب وضاقـت من همومه ثيابـه

الـدارظلمى كـل مارحت ون جيت

ويضيـق صدري كــل ماهـج بابـه

وراك تبطي ياغلا الروح موحيت

الحـق على الي زايـد الهــم جابه

ياليـت وش تـنـفـع الا قلت ياليت

ياليـت ماتـشـفي صويـبن صوابه

مليـت من دنياالحــزن حيل مليت

وعـيـدن بليااحـباب مـرن شرابـه

والدمع من عيني على الخدهليت

وش حيلتـي غيـرالصبروحتسابه

يالله طلبتـك والتجـي بـك وصليت

يالله رجـيـتـك تحفظـه في شبابـه

يالله طلبـتــك ياعـظـيـمـن تعليــت

يالله دخـيــلك تحفظـه فـي غيابـه

انت الوحيد الي رجيته وماخفيت

مني الدعاء وعند الكريم الاجابه

سحاااب شقراء