السلام عليكم ورحمه الله وبركاته
هذي قصيده لي ارجو من الرحمن الرحيم ان تجوز لكم يالغالين
انا البارحــه سهــرن ويـديـر الفــكر هــوجاس
هــواجــيس تـتـعـبــنـي الامــن حــل طـــاريــها
وعيوني من هموم القلب تهل ادموعها بلاقياس
الا مــن حلــت الــذكـــرا وتـذكـــرنا خــوافــيها
ونا مــن سنـيـنـن عـقـبـهــم ماطابلــي مجلاس
عجـــزت اتبع انا الجــره وظاعت بـي حراويها
وناالي مــع دروب الستـر دايـم ماسكن الساس
ورجـلــي مـع دروب الشيـن حشالله مـمـشيــها
ونا لـــي حــــبايــب مالــهــــــم ذكربين الـناس
تـدرجـهــــم سنـيــن العـمـر الا يالله تجـــزيــها
الى من زرت انا شقراء عيوني ما يجيها نعاس
لـــذيــذ الـنــوم حاربــني وعيــوني ما يغطـيها
سهيــرن جالس لحالي ولالي صاحبـن نــوماس
يشـد الظهــر الامن زادت حـمـولــه ويـركـيــها
وجعل منهو سكن شقراء وعليها بالقدم قد داس
يغـفــر اذنــوبــه الــرحـمــن ويسكن في معاليها
عـظــيــم الشان اغـفــرلي الاوقـفــت بي الانفاس
وشالــونـــي وحطـــوني وسبــع الـبــن يخفـيها
وكـلـــن قام يــدفــنــي الا ياحســـره الـمحــتاس
طلبـتــك يا عـظــيــم الشان توسع لـــي نواحيها
انا عبــدك انا المخــطي وذنوبي مغطيات الراس
رجيتك يا عـظـيــم الشان تغـفــر ذنوب مخطيها
تــرا هــذي نهايــتــها سنينن تطــوي القرطاس
نحســب ايامنا تبـتــل وهــي تــركض لمنهــيها
سحاااب شقراء
2013-03-01, 09:49 PM
سحاب - انا البارحه سهرن ويدير الفكر هوجاس
العرض الشجري