مصافحه اولى

[برق الجهمه]

مقتطفات بقلمي كبدايه اتمنى ان تتقبلوها كما هي



..

يلوح الصبح واصوات الطيور الها طرب والحان
وصوت الشايب اللي قام توّه وازعععج دلاله !!

يبي لاهجت الغـدراء وصاح وقامت العربان
حككككر كيفه وقام يسوق للاجواد فنجاله !!

___________

يا ابومناور وش علاج المحبين ..
اللي مرضهم مالقوا له طريقه ..

كانوا على حفظ العلاقه مجانين ..
واليوم راحوا كلهم في حريقه !!

ـــــــــــــــــــــــــــــــــ

يانخلةً ماتذوق الماء ولا شربت لها شهور ..
وهيا منول على الساقي وتشرب من وريده ..

عز الله ان الحجر شفته على سلواك مقهور ..
لو ان مال الحجر فرصه على شي يريده !!

ــــــــــــــــــــــــــــــــــ

ناسن شرت بوجيهها لقمة العيش ..
ودايم مكاسبهم تباع ودناعه

وحنا لو ان ايامنا طيش في طيش ..
ربي عطانا دون خلقه قناعه !!

ــــــــــــــــــــــــــــــــ

اما لقينا من ورى الايام عز وراس مال ..
وﻻ كسرنا ساعد الدنيا وحيل الله قوي

ماني على فراق الرخوم الحق واكثر فالجدال
اللي مشا درب الوفاء لابد يلقاله خوي

باذن الله الاحلام تتحقق واحصل لي مجال
واسوي اشياء فأول الايام عيت تستوي

ــــــــــــــــــــــــــــــــ

وسسلامتكم
اخوكم / سهيل العازمي العتيبي