الـــنـــــكــتــه

[رحلة غروب]

بسم الله الرحمن الرحيم
والصلاة والسلام على من لا نبي بعده سيدنا محمد وعلى آله وصحبه وسلم ...

** الــنـــكـــتــــه **

النكته هي عند الكثير قول او موقف اوغيره مضحك ...
لكن بالنسبه لي فينخرط للنكته تعريف أخر ألا وهو
الكِبر ...التكبر..
بمنظوري هذا هو قمة النكته
عندما ترى أحد ما يتكبر على الناس ويتعالى عليهم بأنه هو يفهم كل شي
ويأتيه يوم يواجه موقف تافه وبسيط فلا يعرف كيف يتصرف فيه أو يكون لا يفقه فيه شيء....
وسبحان الله يجيه واحد مايعرف الا الحياة ويتعلم منها ويحل له كل شي في موقفه ؟؟؟!!
أو يأتيك من هو يتبجح ويتعالى على الناس بشهادته ويترفع بأن يتحدث مع هذا
أو يعامل هذا بأستخفاف كأنه هو المتعلم صاحب الشهادات وهم غيره من لم يستطع
إكمال دراسته لظروفه او غيره لا يفقهون شيء!!!!
ولكن النكته بأن هذا الشخص الذي ليس له شهادات عليا يتفوق على الأخر
بأكتسابه المعلومات والتعلم من الحياه ....

فعلى سبيل المثال أذكر هذه القصه حثت معي صراحتاً:
أنا لا أملك سوى شهادة متوسطه ولكن خريجة علوم الحياة ( الحياة علمتني من بعد ربي)
حصل لي موقف مع بعض الأقارب كل ما ذكرته ضحكت
واحده الله يستر عليها متعلمه ومتخرجه من الجامعه بدرجه عاليه ماشاء الله
والثانيه ما شاء الله إداريه بأحد المدارس وينظرون لي نظرة الجاهله لأني ماكملت دراستي ...
المهم بأحد الأيام خرب مكيف في المنزل مايبرد وصارت ضجه عشانه
قلت أنا يمكن الفلتر محتاج تنظيف طبعاً الكل طالعني بدهشة وأنا على نيتي فالكل صمت
وقلت بشوفه طبعا فتحت نظفته وزبط صار أحسن مايكون
فقالوا : أيه أيه بس
وفي اليوم الثاني تفاجأت بالأخت الصغيره تشكي من مكيفهم
وتقولي السالفه انه مكيف غرفهم نفس الحال بس ما يعرفون كيف يطلعون الفلتر
وطبعا ما يتنازلون يطلبون مني اعلمهم او حتى اعرف بالسالفه أساساً...
... فأنا هنا أقول نكته .... وصدق من قال : ( شر البليه ما يضحك )

الواحد مهما كان لازم يتنازل ويفرح لأنه عنده واحد أحسن منه بأمور ويفهم أكثر بالعكس لازم يدعمه
ويشجعه ما ينظر له نظرة الجهل ؟؟؟!!!!

أو يأتيك شخص قايم مصلي صايم وملتزم
وثاني قايم مصلي صايم بس يسمع اغاني يطالع تلفزيون افلام وغيره
جاهم ظرف يستدعي شروط دينيه يلتزم بها الأول
لكن يفاجأك إن الأول ماعنده خلفيه والثاني هذا عارف بكل الشروط وملم بها هذا يجوز او لا
طبعا من قراءته بالنت او من الحياة سمعها
طبعا الثاني يحاول يبين للأول أنه خطأ مايجوز
بس مو راضي يقتنع يقوله أنت ما أنت أفهم مني
لأنه ينظر للثاني نظرة هذا مايدبر شي بالدين لأنه يسمع اغاني و ....... عجيب ..!!!!!
المفروض يشجعه ياخذ ويعطي معه كيف انه عرف وكذا مو تقوله تولم ماعرف إلا إنت !!!!
هنا أنا أقول نكته !!!!!
لأن الأول ماصدق الثاني ومشى على عماهبرغم انه حذره إنه مايجوز .....


والله أمور وقصص ومواقف كثيره
يتعب الواحد وهويكتب ولا تخلص هالمواقف .....
لكن ألخص كلامي ونظرتي بهذه الكلمات:
لا تتكبر عشان ماتكون نكته
لا تقول أنا متعلم معي شهادة أنا أفهم الناس
ترى مهما كبر الشخص وكبرت خبرته يظل طالب في ظل الحياة .....
الحياة متجدده أمور كثيره تستجد فيها.....
تروح أمور وتجي أمور وتستجد أمور ونظل إحنا في هالدنيا ندور ....

أتمنى تنال اعجابكم وأعتذر على الأطاله لكن حبيت اطرح نظره لأنه صايره تنتشر بكثره
الا لمن رحم ربي عشان ما أظلم أحد وصراحه انه ما أعم ابداً
والله غفور رحيم

وصلى الله على نبينا محمد وعلى آله وصحبه وسلم


تحياتي وتقديري