تقرير مصوراليوم الخميس 23/10 من الرياض -الجفير-الحريق. نهاراً

[**ابوعمر**]

:: بـسـم الله الـرحـمـن الـرحـيـم ::

وبعد طول غيبه عن هذا المنتدى الرائع !!!

نعود عليكم مع حلول الشتاء اللهم اجعله شتاءً عامراً

بلأمطار ياعزيز ياغفار

اليوم الخميس شفت السحاب بادي ينشى قبل صلاة الظهر

قلت خلني اروح اتمشى جمينه يجي مطر

واركب الموتر وامسك خط ديراب قبل صلاة الظهر بشوي

والسحاب يوسع الصدر بادي يزين كما في الصوره

وهذي صوره بعد المفرق الموجه الى الجفير

وذالصوره قبل مركز الجفير بشوي

وبعدها سندنا شعيب الجفير إلى ان وصلنا شعيب تحتنا

النزول معه صعب جداً خصوصاً ان المطر مفسد الدرب <<< مطر طبعاً قديم مدري متى؟

وهذي صور لهذا الشعيب

وبعدها نزلنا مع النزله الصعبه هذه وحدرنا بالشعيب

لين وصلنا لطريق مزفلت

رحنا معه يسار

هذه صور على هذا اطريق

ومشينا إلى ان وصلنا طريق مزفلت سيد واحد

فيه عيون قطط (لإن فيه قبله طريق توهم يشتغلون فيه مافيه عيون قطط)

المهم عرفنا ان هذا طريق (الرين-الحريق)

قلنا خلنا نصلي في هالفرعه الزينه العصر ونتقهوى ونعين خير ثمن نكمل

هذا المكان اللي قعدنا فيه

بعدها رحنا يسار جهت الحريق

وهذه صوره لطريق

وبعدها بدئنا في الغروب قلت خلني ألتقط بعض الصور قبل الغروب

وهذه الصوره اختم بها التقرير

تـــمـ بــحــمــد الله ـــ

وفي الختام

إن كان هناك صواب فمن الله وإن كان هناك خطأ فمن نفسي

والشيطان

واسف على ردائة الصور

لأنها بالجوال

**ملاحظة**

انا كاتب في العنوان نهاراً

لأن الليل لم اتواجد هناك واخبراني احد الأخوان انه

جاهم مطر وسيل بعض الشعيبات

[محب البرق]

تقرير رائع

الله يعطيك العافية

[راعي العقربية]

يشرفني ان اكون من اول من يرد على موضوعك

والحمدلله على سلامتك ابا عمر نور البراري

[أمطار الكويت]

ما شاء الله تبارك الرحمن صور رائعة اخي الغالي شكرا لك والله يجيب الخير

[**ابوعمر**]

الله يحييكم

ماسوينا إلا الواجب

[الساري]

الحمدالله على السلامة أخي
والله صور تشرح الصدر الله يعطيك العافية
وعقبال ماتمتعنا بصور السيول أن شاء الله

[رعد شقراء]

اخي ابوعمر مشكور على تقريرك المصور الجميل وعقبال ان شاء الله الامطار والسيول

[العنبري]

الله يعطيك الصحة والعافية اخوي ابوعمر

على هالتقرير المصور الجميل

والله يغيثنا ويرحمنا برحمته

تقبل مني كل الشكر والتقدير

[ASM]

اخوي ابو عمر الحمدلله على السلامة اولا 0
ثانيا : الشعيب الذي نزلت فيه مع النزلة الصعبة على قولك اسمه ( عريدان ) 0
ثالثا : لما جاك الاسفلت لو ذهبت يمينا رجعت الى مفرق الجفير 0
رابعا : لما ذهبت يسارا باتجاه الجنوب مع الاسفلت الجديد هذه المنطقة تسمى ( الصدر ) 0
وعلى يسارك جبال الحريق تسمى الزياقب ‘ ثم جاك جبل منفرد يسمى بلعوم ثم جاك خشم جبل كبير يسمى خشم الخلطاء الى ان جاك طريق الرين الحريق 0

[خالد العوض]

جزاك الله خير صور جميله