مالـوم خفـاقٍ اهمومـه تطـور
يكفخ على وكره كما كفخ قرناس
بين الحقيقـه والخيـال المـزور
يسري به الهوجاس لا ناموا الناس
دايم افكـاره فـي خيالـه تصـور
انه من ادياره مشى غرب عساس
من فوق جيـبٍ منتقينـه مطـور
تقرب اليا سقته بعيدات الارمـاس
خلفيتـه لكـزز وشكلـه مــدور
يسلب الب امولـع القلـب لاداس
لـو اثمـن بالجيـب زاد وتـزور
مخلوف لو يوزن في التبر والماس
خطرٍ على اللـي يقتنيـه يتهـور
لاصار ماعقله مثبت على سـاس
نبي عليه ا نعـس روضٍ امنـور
تلعب ازهوره كل ماهـب نسنـاس
مـن ناشـيٍ لـه السقيـا تكـور
غرن يلهله برقهن عقب الادمـاس
اول مطرهن مـن حقوقـه يثـور
عسام وديانٍ به الجهـد والبـاس
من بعد مـا ماهـن بعيـد مغـور
وغصونهن من حامي القيض يباس
اليوم خطو الروض كنـه مسـور
من النبات اللي على حيده اجنـاس
سبحان من كمٌل جمالـه وصـور
لياعطى يعطي بلا حـدود وقيـاس
راع الولع والصيد فيهـن يـدور
حيث ا نهن ماطبهن قبله اونـاس