( أيام المراهقة الله المستعان)
الله أكبر يا غلا ذاك الزمان
وقتنا اللي فات كاسية السرور
أتغنى به على غصن الحنان
وأتمشى في خياله في غرور
آه من وقته شبيه ٍ بالجنان
جوه الغائم تحلق به طيور
فكري اللي مانسى هاك المكان
في رحابه فاحت أنواع العطور
أذكر أني بالشقاوة لي عنان
قايد حارة على درب الشرور
شرنا يحلا على وقت رمضان
نذي العالم ليا حد السحور
فيه أشياء ٍ صراحة ما تبان
خلها ياحمود في وسط القدور
بعد مده شافني هاك الفلان
قال تعرفني؟أنا ضمن الحضور
يوم كنا في زمن صافي الثمان
في ليالي شهرنا خير الشهور
قمت أركز بالشبه يمكن يبان
ميزه بوجهه يوكدها الشعور
قلت ناصر يازمان أول وكان
قال عقلك بادي ٍوالله يخور
قلت طيب عطني مبداكم عشان
ريح ادماغ ٍمن الحيرة يدور
بعد فتره قال لي اسمي ركان
هاه تذكرني بلا شك ٍ وزور
قلت أذكركم هلا عز الخوان
أقلط اتقهوا على حلو التمور
( الباقي مشفر )