الله على لمة الشعار
بالبر والارض ممطورة
الجو صافي بدون غبار
وحتى القمر مكتمل نوره
يدندن النجرقرب النار
ودلال بالهيل محكوره
والعود الازق بها يندار
في مجلس زان بحضوره
الحر جاهز مع الصقار
مشتاق للخرب وخبورة
حب الولع بالحشا تذكار
ذكراه بالقلب معمورة
جلسة سمر تبهج الافكار
مع كل شاعر وامقدوره
في روضة تبهر الانظار
من حسنها الروح مأسوره
هذيك ربله وذانوار
والارض بالخير مأموره
من مزنة وبلها مدار
صبه تقل صب نافوره
وش رايكم بهذه الفكره بحيث يكون تنسيق القصيده ماهو مربوط بكل البيتين اللي اورد الشاعر بل يختار حسب الموقع و ربما يورد بيت في اول القصيده وبيت في اخرها ذا توافقوني اكمل واذا تعرضون اتوقف