هجوسي وش عندك لك أيام نايم
عطني مبرر هجعتك دوم دايم
ما تدري أني هاوي ٍ للقصايد
أهوا طروق القاف بالحيل هايم
عجل عليّه ياهجوسي وخلك
جنب الفكر جاهز على الدوم قايم
لأمن أمرتك لا تجيب الهزيله
أكفخ بجو الشعر ياطير حايم
لأمن لمحة القاف اطرد وراهن
أبيك تقنص لي سمين الغنايم
حضرها عندي ياهجوسي هنيّه
من شان أرتبها تحوز الوسايم
بكتبها في شيخ ٍ عريب المجنا
خيره على قلب المساكين غايم
حبيب موقعنا كريم ٍ محبي
حبه ذبحني ذقت كود الهزايم
لي الفخر دامي أسجل حروفي
في شيخنا ماشال حقد وظلايم