[خالد بن منشار]

[ALIGN=CENTER][TABLE1="width:70%;background-color:coral;border:9px groove darkred;"][CELL="filter:;"][ALIGN=center]



لا تحسبينـي خايف ٍ مـن مـمـاتـي
خايف عليك انتـي اذا متّ شيصير

شيصير فــي حـالك اذا جـت وفـاتي
شيصير..مــدري مالها أيّ تفسير

شـايـل هـمومك قبل تـوديـع ذاتـي
قبـل اغمض عيوني ولي ألف تبرير

لا قــالوا انّه مات ما عــاد يآتـي
من يمسـح ادموعك ويحضنك ويشيـر

مــن يسعدك لا رحت مـن يـاغـلاتـي
من يحـمل اهـمومك ويقـرا التعابـير

بالله لا تبكـين هــذي وصاتــي
وتخيّلينـي مـعْك حـيّ ٍ وفي خيــر

دخـيل عـينك لا انـتهـت بـي حياتي
لا تحرمي نفسـك وعيشي كما الغـير

عــيـشي حـيــاتك واذكـري ذكرياتي
واتبـسّمي للغـيـم واحكي مع الطير

تـذكّـري حـبّـي وكـلّ امنـيـــاتـي
وتــوسّدي ذكراي واحلا الـتصاويـر

لا تتركـي للهمّ صــدرٍ ســواتـي
لا تخضعـي للحـزن فـي غـبّة الـبـير

ولا تحسبيـنـي خـايـفٍ مـن مماتــي
خايف عليك انتي اذا متّ شيصير!!
[/ALIGN][/CELL][/TABLE1][/ALIGN]