السلام عليكم اخواني واحبتي هذه مصافحة ومجاراة للشاعر والمشرف صبح المطر على قصيدته صدوق الوسم
هب البراد وذعذعن الهفـــــاهيف
والحر حرٍ منطلق من اســـبوقه
خـــــلاص مايحتاج لمبه وتكييف
خذلك مع البران ســـــجه وروقه
زل الخريف وحل نو الوسم ضيف
اللي ملك جملة محبيه شــــــــوقه
اول يزاورنا خيالــــــه في الطيف
واليوم فرحتبه نفوسٍ شـــفوقه
يالله بمــــــزنٍ بوله نوه مخيف
ليلٍ مـــــواخيره وبيضٍ اعنوقه
لكن ربانـــــه جبل قطــن والخيف
والريح مطلع شمس حزة شروقه
كنه تقهقربه تبي مـــــزنه ايقيف
كما يقهــــــقر راعي البل ابنوقه
مرخي هماليله من السيف للســيف
حقاق وبله من مزونٍ صـــــــدوقه
ياخذ شهر وجه السماء منه ماشيف
من اليمن للترك ربك يســـــــــــــوقه
يروي ثرى دار البكار المـــواليف
لمـــــا تروا من ســـــيوله اعروقه