عرض مشاركة واحدة
  #22  
قديم 2017-06-17, 01:54 PM
الصورة الرمزية نسمة هدوء
نسمة هدوء نسمة هدوء غير متواجد حالياً
عـضـو ذهـبـي
 
تاريخ التسجيل: Sep 2015
المشاركات: 1,139
جنس العضو: أنثى
نسمة هدوء is on a distinguished road
افتراضي

البارحه والناس غافيـن وهجـوع
جتنـي هجوسـي ورداً سارياتـي
والليل طال وخط الارسال مقطـوع
ياليل ياطولك متى الصبـح ياتـي
قزرت ساعاتك على ثومـة الكـوع
مالـي نديـم الا الثـلاث الخواتـي
صفر الدلال اللي بها الهيل مشموع
باشكـال وارناقـا معـه لايقاتـي
وأَصبحت من كثر الهواجيس مفجوع
وافكـار قلبـي شـرداً سارحاتـي
ياسائلاً تسأل ترى الصوت مسموع
وما نشر بالصفحه قريتـه بذاتـي
سويت لي مشروع من غير مشروع
والزمتنـي بالـرد دون شهـواتـي
أَكيد عندك يا فتى الجود موضـوع
والا مسوي بـك زمانـك سواتـي
مسقيك من علقات الايـام قرطـوع
وتسمع صراعي فيـه ومغامراتـي
فان كان هذا الامر بالشكل والنـوع
خـل الامـر لمكـون الكاينـاتـي
ساير زمانك كان لك قلب وضلـوع
وارج الفـرج بايامـك المقبلاتـي
وإن كان ما طاعتك خلك لها طـوع
ما انته بضاربها برمـح الزناتـي
أما سؤالـك مـا جوابـه بممنـوع
ولو للحيـاه أسرارهـا الخافياتـي
أجاوبك لو ما معي منـك منفـوع
تحب تعرف كيـف قصـة حياتـي
حياة ذيباً عايـش الفقـر والجـوع
ليلـه يبـات وليلـة مـا يبـاتـي
أعيش عيشة ذيب والراس مرفـوع
وإن قلّ مالي عـزّ نفسـي غناتـي

التوقيع:
رد مع اقتباس