[خالد بن منشار]

[ALIGN=CENTER][TABLE1="width:70%;background-color:black;border:8px inset silver;"][CELL="filter:;"][ALIGN=center]
ياثقل دم الغيـــاب




تغيب عني حبيبي واحتري الرجعه
ياثقل دمّ الغياب وثقل ساعاته

اقعد لحالي وبي اشواق مجتمعه
واسرق من الوقت شعري واكتب ابياته

يارروح روحي دخيلك ارجعي ابسرعه
جالس على اعصاب وقليبي بونّاته

اكتب لك الشعر وابياتي بها طمعه
تبغيك دايم حروفه واجمل آهاته

الله من حبّك اللي صار لي شمعه
اشوف دربي بنورك في مسافاته

اهواك رغم المسافه والهوى طبعه
ما يعرف البعد ويقدّر حكاياته

هذا الغلا منسكب لك مايبي قْطعه
ياللي ملكتي فؤادي قبل نزواته

والله محدٍ وصلّك بالغلا ربعه
ربع الغلا اللي بقلبي أو مداراته

ياسكّره من حلاها طالعه طلعه
يغار منها الحلا ويذوب في ذاته

خفيفة الدم زيديني من الجرعه
استانس ابحكيك وطيبك ونفحاته

اتقطّع ابشوفتك قطعه ورى قطعه
أذوب وآحسّ صدري زادت اصواته

بالله عودي ترى طالبك بالفزعه
مقوى غيابك عليْ ماهي بحزّاته

حبيبك اليوم من بعدك فقد سمعه
الناس تحكي وهو فاقد وبسكاته

ساكت واناظر وعيني تحتري الرجعه
ياثقل دمّ الغياب وثقل ساعاته
.

[/ALIGN]

[/CELL][/TABLE1][/ALIGN]