[خالد بن منشار]

[align=CENTER][table1="width:80%;background-color:black;border:10px groove red;"][cell="filter:;"][/cell][/table1][/align][align=CENTER][table1="width:80%;background-color:black;border:10px groove red;"][cell="filter:;"][align=center]

لو عرفتي شي فينـي ماتركتينـي وحيـد
لو دريتي وش بقلبي كـان جيتـي عانيـه

كان ودك تعرفيني فسمعي نبـض الوريـد
امسكي بكفك عظامي والجـروح العاريـه

آه ياحزن الصحاري زيد في قلبي وزيـد
احرق الغاب الحزينه والغصون الظاميـه

موت ياحبٍ زرعته موت في صدري شهيد
قبرك القلب وترابك من ضلوعي الحانيـه

خلّني المس وجودك منت في قلبـي فقيـد
الشهيد إيعيـش دايـم فـي جنـانٍ عاليـه

غطرفي سود الليالي وانشدي بحلا نشيـد
واقلبي الظلمات نـورٍ وارحلـي ياقاسيـه

ما يهمّ آعيش قربك..مايهـم ابقـى بعيـد
مايهمّ انـك تكونـي فـي حياتـي باقيـه

المهم الحب يبقى امّـا غيـره مـا نريـد
ما أريد احساس ميّت في قلـوبٍ خاويـه

ارحلي وش عاد باقي تسمعينه؟ ثـمّ اعيـد
ارحلي مامات حبّـك لكـن انتـي؟ فانيـه

اذرفي للشوق عبره وانظمي فيهـا قصيـد
واحرقي بيض الرسايل بالدموع الكاويـه

انكسر ضعفي وصاحت قسوتي وين الجليد
وارتفع صوتي ونـادى للعيـون الباكيـه

جمّدي نهر العواطف وافرحي ذاليوم عيـد
مات كلّ الشوق يمّـه والمشاعـر خاليـه

[/align][/cell][/table1][/align]