[تركي الوايلي]

المشاركة الأصلية كتبت بواسطة محب المزون

السلام عليكم ورحمة الله وبركاته

وصباح الخير للجميع

تركي الجبر

صباح الخير كل الخير بقولك معاناتي وخاصة الأخيرة منها
من السبت الى يوم الاثنين طلعت انا ماعرف شي عن الطقس
تمطر في البحرين يوم الاحد الصبح وانا جالس في الشرقية على الكورنيش احتريها تجي ولا جت الا نقيطات خفيفة تقول خلك جالس بجي ( إيه هين )
امس يوم الاثنين ليلة الثلاثاء من الساعة 11 بالليل تبرق على الكورنيش في الدمام
الى الساعة 5 فجرا والبرق متواصل ومغير اشيل بعمري واخبط الحين بتجي بعد شوي اذا قوت اشارة البرق قلت جت وان ضعفت قلت راحت وتلاشت والقط عمري من على الكورنيش
واضرب 70 كيلو تقريبا باتجاهها في الجبيل بس طريق ماعرفه ارجع عنه
وارجع قبلها تقريبا ب40 كيلو
والعيب كل العيب فيني يوم امس اني مافتحت منتديات ولا غيره عشان اعرف وينها فيه
وهذا ماضيق صدري ...........................
وآخر شي لقطت برد الين قلت بس والحين انواع الادوية من
بنادول وشرابات الكحة بانواعها واستربسلز للحلق لااورط
الحالة الأن احباط بوجه عام
( السحب اللي كانت موجودة - نوعين سحاب فوق وسحاب تحتها من كبرها تقول ماتتعدانا ولكن سبحان الله ماومرت نهائيا للدمام)
وبوكرة بمسك الخط للرياض للإجازة وش رايك
امسك
الخط مع طريق الدمام الرياض السريع ولا اتجه مع طريق ( الدمام - الهفوف - الرياض ) اقرب من قطر شوي
وش رايك مع حبي وتقديري الخاص لك
واسف اني اطولت في شرح معاناتي ولكن ماحولي احد في الطقس اكثر اتكلم معه بخصوص حالتي المستعصية اللي لايمكن لاحد ان يفهمها الا شخص عاشق محب للمطر واخباره

الف شكر

هلابك والله يابعد راسي وسلامتك يارب وماتشوف شر اكيد تغير عليك الجو وانت تطارد وتراقب حركة الغيوم والامطار هههههههه

بالنسبه للتوقعات التي اراها انا

الى الآن الاوضاع طيبه على المنطقه الشرقيه ولكن من مكان الى مكان اكيد يفرق

اذا اتجهنا ناحية جنوب شرق الاحساء ناحية سلوى وضواحيها وصولا الى منفذ البطحا ومنفذ الغويفات حتى ابو ظبي هذه المناطق سوف تكون مهيئه لهطول امطار رعديه ولايستبعد هطول زخات من البرد وخاصه على الحدود السعوديه الامارتيه وخاصه ابو ظبي بالنسبه للشرقيه الاوضاع متوقع تواجد للغيوم على الشرقيه بشكل عام

اما من ناحية طريق الدمام الرياض السريع وصولا حتى مفرق كبري عريعره وجوده ربما تتواجد الغيوم الركاميه ولكن بشكل متفرق ولايستبعد هطول زخات من المطر الخفيف المتفرق على عريعره

طريق الاحساء خريص القديم اتوقع غائم جزئي فقط والله اعلم

ونسبة الرطوبه مازالت طيبه على الشرقيه بشكل عام وعلى دول الخليج وهذا مايساعد على تكييف الغيوم الركاميه عندكم

واذا انت تبي تروح للرياض من اجل الامطار حتى الان الاوضاع مستقره على الرياض

وهذا والله اعلم

والحمد لله على سلامتك وماتشوف شر ياغالي