[صالح الربيعان]

المشاركة الأصلية كتبت بواسطة أبو نايف

أبو عبدالله أنت موجود ؟

طيب نبي نقرب من الحار شوي ..

تلاحظ إن العديد من قادة البراري سواءً في مجلس الإدارة أو اللجنة الاستشارية

كبار في السن ومتقاعدين من زمان يعني شيبان الله يطول بأعمارهم على عمل صالح

والسؤال : هل أنت مرتاح للعمل وسط هذه الكوكبة من الشيبان ؟؟

( شكلي جبت العيد بأسبابك يا برق السناف )

---------------------------

طيب دامها خربانة

السؤال الثاني : لو أصبحت ووجدت نفسك المدير التنفيذي بدلا عن هادي .. ما أول عمل تقوم به ؟؟

السؤال الأول : أنت شكلك يابو نايف ودك أسوي إنقلاب على الشيبان وآخذ كل الصلاحيات منهم لكنك خايف تصرح بذلك وتبي الطفة تصير بي وأنت تطلع منها زي الشعرة من العجينة لكن [ دا بعدك على قولة المصريين ]والحقيقة لي الشرف إني اشارك الشيبان هذه المسئولية والتي سوف تتضاعف بالنسبة لي لأن الشرهة تبي تكون علي دائما لأني أصغرهم لكن وش نسوي [ إذا بليتم فاستتروا] أذكر قبل كم سنه حجيت مع حملة أغلبها شيبان وكانت هذه السنة مشهورة بكثرة الحجاج وازدحامهم ويوم رحت مع الشيبان لرمي الجمرة في آخر يوم وإذا بها زحمة فانتظرنا ولكن مافيه فايدة فطلبوا من الشيبان أن أرمي عنهم [ والمشكلة إنهم حول 18 شايب ] يعني لا زم أشيل معي أكثر من 3 طن حصى 00 المهم إني رميت عنهم وانقلع كتفي من كثر مارميت وكاد يموت معنا ستة شيبان بسبب فلوق الحصى اللي بروسهم [ مثلك عارف ماهنا شعر بالراس والجلد صايرن رهيف مثل قشر البصل مايرد الحصى ]

السؤال الثاني : لو أصبحت ووجدت نفسي مدير تنفيذي للبراري فأول عمل اقوم به هو إصدار قرار عاجل بإعادة هادي كمدير تنفيذي للبراري هههههههه يعني ارتباط هادي بالبراري مثل ارتباط سمو الأمير عبدالرحمن بن سعود في رئاسة نادي النصر [ شكلك يابو نايف ودك تجيب العيد بيني وبين هادي لكن تراي أحذرك إن جبت لي العيد تراي أبجيب لك رمضان يعني تحزم خشيشك لا أكل ولا شرب ]