السلام عليكم ورحمه الله وبركاته
كما وعدتكم هذه القصيدة أكملتها وهي لمواقف انتشرت مؤخرا
للأسف وتشرح نفسها اتمنى تنال رضاكم مبنا ومعنا
....
ماني بشاعر له جماهير وإعلام ..
يسبق دخوله للمنصه تقاديم
بين الفلاش وبين هبات الأنسام
يشوش مع ليل المعازيب ويهـيم ..!!
شاعر .. وحسي من تجاريب الأيام
مغمور بس أملك من الفكر تقييم
ما أبيع جزلاتي على طيف الأحلام ..
ولا اقول شعر ن فيه خِله وتثليم
الطيب يفرض نفسه ودوم قدام ...
راعيه ما يحتاج بالشعر تفخيم
واثق ولا يغريه تمديح الأقلام ..
يدرأ العلوم ويكره الزيف ويشيم
ما يقبل التصفيق مع لبس الأوسام ..
بالمحفل اللي فاق قيس المفاهيم
ما يعجبه مدحات رداد الانعام ..
بعض الثناء في حضرة الشخص تقزيم !
والبطر ما هو من تعاليم الاسلام ..
الاقتصاد أحيان للرجل تكريم
والقاف لا من سِن في راس مرسام ..
تصبح حروفه في سطوره معاتيم
ما ينحفظ لو ردده شاعره عام ..
ما للذهيبه في هملها تواسيم
هرج ن على غير القدا زيف واوهام ..
ما ينفع الممدوح كثر القراهيم
( الطيب ) ما ينقاد مع كل سوام ..
دامه وهايب من خيار المقاسيم
حالة جوية