إن ضاق صدرك ترى صدري لهمك وسيع
اقلط على أعروق قلبي واقدع إحساسها
أشريك لو كنت ناوي للمحبة تبيع
يا ارض عمري ونبض الصدق في ناسها
من طلتك روضة أحلامي كساها الربيع
ومن صدتك تشكي الرمضا ليباسها
في غيبتك والحزن يتبع قطيعه قطيع
وفي حيتك ضحكتي ردت لها أنفاسها
قدرت تحتل لك في الصدر حصن منيع
وأصبحت للنفس هقوتها ونبراسها
خليت قلبي بكف الحب حلم وديع
تجذبه قمرا ألليال وريح نسناسها
حاولت ارده عن ادروبك وعيا يطيع
يتبع خطاوي حياتك لو كثر باسها
لكن مادام منزالك بقلبي رفيع
بتجاوز الفكره اللي زاد وسواسها
وان ضاق صدرك ترى صدري لهمك وسيع
يا نبض كل الحياه وزبدة إحساسها
خالد اللهبي