|
والله مانسى نظرتك يوم قفيت.......
والله مانسى نظرتك يـوم قـفيـت = إليـن تنسـى كـل امٍ ضـنـاهـا لو شفتني من نظرتك كيف سويت = والله إن تمنى قبل هذا عماها حسبي عليك ارسلتها ماتـوانيت = احرقت قلبي وسط حامي لضاهـا فـجـرتها بالـقـلب مـثـل الدنامـيـت = الله واكـبـر كيـف قـلـبـي قــواهـا والرِجل كنك ناثرٍ حدرها الزيـت = الرِجـل عيـت لا تثبِت اخـطاهـا النظرة اللي في مداهـا تهقويـت = عدت على الهقوات قـوة مداهـا والمشكله لا ابديت فيها ولا اخفيت = عجزت احدد يالغضي محتواهـا وراك من بين المخاليـق لديـت = دمرت قلبٍ سالـيٍ عن هواهـا ياليتني عن نظرة العين صديـت = ياليت ربـي فكنـي من بلاهـا وانا الذي عن مارد البيض كفيت = رميت دلوي والرشا من وراهـا استغفرالله والي العرش والبيت = من نظرةٍ بان الخلل من رداهـا الحمد لله كل ماصبحت وامسيت = نفسي عن دروب الرذيله حماها احمد بن عبدالرحمن العريفي (نديم المجره) |
والرِجل كنك ناثرٍ حدرها الزيـت = الرِجـل عيـت لا تثبِت اخـطاهـا الله صح الله السااااااااانك واعتلاااا شااااانك تصوير ولاأروع قصيدة في قمة الابدااااع سلمت يمنااااك يامبدع البرااااري بانتظااااار جديدك دمـــــــت مبـــــــدع |
صح لسانك نديم المجرة ابيات جزلة وقصيدة رائعة |
اقتباس:
دائما تغمريني بطيب ثنائك الله يحفظ لك الدانه دامت لك المسرات تحياتي |
ما شاء الله صح لسانك لا عدمناك تقبل تحياتي |
اقتباس:
صح قلبك لاهنت الله يسعدك تحياتي |
الله عليك يا شاعرنا المبدع
أـبيات رآئعه والرب صح لسانك ..ولاهنت بإنتظـار جديدك بكل شووق إحترامي |
ياليتني عن نظرة العين صديـت = ياليت ربـي فكنـي من بلاهـا أبداااااع وكلماااات جميله ونااابعه من احااااسيس صااااادقه صح لسااانكـ وعلاشــااااانك ومهما أكتب من أطـــراء مـاراح أوفيلكـ حقكـ دمت بخيروعااافيه تقبل مروووري |
والرِجل كنك ناثرٍ حدرها الزيـت = الرِجـل عيـت لا تثبِت اخـطاهـا النظرة اللي في مداهـا تهقويـت = عدت على الهقوات قـوة مداهـا ياسلام عليك يانديم المجره ماأجمل التصوير هذه القصيده كتبت بدافع قوي وصادق 100% لك تحيتي وأشواقي |
الحمد لله كل ماصبحت وامسيت = نفسي عن دروب الرذيله حماها صــــح السااااانك يانديم المجره ابياااات راااائعة وجزله سلمت يمنااااك لاعدمنا هذا الابداااع ياشاعر البراري اجمل التحاااايا دمت متألق |
| الساعة الآن 08:14 AM |
Powered by vBulletin .
جميع الحقوق محفوظة © لشبكة ومنتديات البراري 2010