|
بلغ الشعار قل لاتتعبون = لو تصيغون الجزايل ماكفن.......
المناسبه اطلعت على قصيده كتبها الشاعر/ ضيدان بن قضعان في مدح الشيخ/ رياض بن ثامر السعدون ويسندها على الشاعر/ بدر الخالدي والذي بدوره جاراه بقصيده في نفس المعنى ورغم انهم من فطاحلة الشعر الى ان قصائدهم لم تفي ابوثامر حقه حيث انني اعرف مايقوم به ابوثامر من اعمال الخير خارج وداخل المملكه. ومهما توقعت من رياض فان ردت فعله اكبر من توقعك وهذا ماعنيت في البيت السادس من القصيده ودعوني اروي لكم هذه القصه تصديقا لمعنى هذا البيت (عندما كنت مدير ادارة شؤون المتقاعدين بالمنطقه الشرقيه كان احد العسكر مطلوب من قبل الشرطه العسكريه لايداعه بالسجن بسبب دين عليه بمبلغ 84000 ريال وكانت زوجته على وشك الولاده ووالدته كانت قادمه من حائل مع شقيقاته قبل يومين ولديه اطفال صغار وكان في وضع معنوي سيء جدا خوفا من ان تعلم والدته وشقيقاته عن وضعه المادي المتدهور. قطلبت من قائد الشرطه العسكريه مهله خمسة ايام لمعالجة الوضع وقمنا بجمع التبرعات له وتمكنا بشق الانفس من جمع مبلغ 24000ريال تقريبا وفي هذه اللحظه تذكرت ابوثامر واتصلت عليه وشرحت له الوضع فطلب مني رقم الحساب فتوقعت بان يساهم بمبلغ 10000ريال كحد اقصى ولكن ابوثامر خالف توقعاتي ودفع كامل المبلغ المتبقي وهو 60000ريال وتم تسديد دين العسكري واعتاقه من السجن) فلا احد يلومني في مدح ابو ثامر ولو انني اذكر جميع مناقب ابوثامر فسوف تحتاج الى مجلدات لاحتوائها وهذه القصيده ردة فعل سريعه امل ان تنال استحسانكم: بلغ الـشعـار قـل لاتـتـعـبـــون = لو تـصـيـغـون الـفـرايد ماكـفـــن لو مدحتوا رياض بانواع الـفـنون = لاتحـسبـون المدايح له وفـن ماتوفيه القـصـايد واللـحـــون = لو عزفتوا اعـذب انواع اللحــن هذا ابن سعدون ماهـو من يكـون = الـقـوافي لطـرى اسمه زهـن الكرم والطيب لاسمه يتـبـعــون = ماسك ازمـام المكـارم بالرسـن فعل ابن سعدون عدى بالظـنون = اشهد انه فـوق ظن اللي يظـن واشهد ان رياض للمحتاج عون = واشهد ان رياض للنازح وطن هذا ابوثامر دواء كل الـعـيـــون = مروي اكبودن من الحره ظمن كم جريح يشتكي حر الطعون = جاء لابن سعدون وجروحه برن فزعته للمنتخي فزعة جـنــون = مايحـسـب للـخـسـاير والـثـمـن الصعايب عند ابوثامر تـهـــون = والكباير في عيونه يـصـغــرن حق للسعدون لو به يفخرون = اشهد انه فـخــــــر حتى للوطـن احمد بن عبدالرحمن العريفي (نديم المجره) |
اي والله فخر
صبحك الله بالخير ونعم فيه وفيك صح لسانك على هالجزاله ولا هنت دمت بخير |
صح لسانك شاعرنا المتمكن نديم المجرة
جزلة من شاعر جزل ونعم بالمادح والممدوح تحيتي |
والنعم برياض وانته ما تهون
الرجال تبين في وقت المحـن رايتك بيضا على ما يذكرون الخوي وخوته هي الثمــن |
الشاعر الكبير نديم المجره
صح لسانك وقلبك قصيده جزله وراائعه .. والله والف نعم بالمادح والممدوح . تقبل استاذي مروري مع خالص الود والاحترام لشخصك الكريم |
أخي نديم المجره حفظك الله موقف إنساني نبيل ولا هو غريب على شخص مثلك وقصيدة جزلة تستحق الثناء ولا يسعني في مثل هذا الموقف إلا أن أقدم لك مجاراة لقصيدتك لعلها تثري الموضوع وتنال استحسانك واستحسان إخواني بالمنتدى والـنـعـم والله بـرجـال ن يعـون صـاحـبه وقـت المواقف والفتن شـافـه لوحده ودمعـه بـالـعيون يـخـفي الـوجه وعلامات الحزن يا نديم الـحـقـني لا لا يـسجنون ما أطـيـق ادخل متاهات السجن مـا أبـي أمي وأهـلي يـعـرفـون حـالـتي واني مـفـلـس منـغـبـن جاعوا اصغاري ودايم يمرضون جــارت ظــروفي عـليه والـزمن يـا نديم الناس صاروا يـبـخلون يـا نديم الناس صارت مـا تحـن قـال والله ربـعـنـا ما يـرحـمـون الـمـســـاعـد والــتـبـرع وقـفـن والله ورسـلـه وخـلـقه يشهدون إن بـالـديـره فـقـر حـزن وشجن يـا جـماعه كـيف يمكن تمنعون يـا جـماعه كـيـف تـمـنع السنن اسلم اسلم يــا خــويي ما تهون ديـنـك انـسـده ولـو عالي الثمن يـا رفـاقـه ابـذلـوا مـا تـمـلكون يـا رفـاقـه سـددوا لـه مـا بـقـن أنـتـم اصـحـابه وانـتـم تعرفون انـه بـحــاجـه وفـيـكم مـا نظـن يـسـتـر الله من طبعهم يسترون مـن يـفـك الكرب عـنـه والمحن شالوا وحطوا وراحـوا يجمعون والـــدراهــم مـا تـســد ولا كفن من تــوده يـا نـديـم ومن تمون من تـشــوفه يـدفعلهم مـا يـمن هو ابن سعدون من غيره يكون هو راع الفضل ســاكن هالوطن سـدد الـبـاقي قبـل مـا يمرحون جـعـلـه الـجــنـه يـمتع بالحسن |
| الساعة الآن 12:16 PM |
Powered by vBulletin .
جميع الحقوق محفوظة © لشبكة ومنتديات البراري 2010