|
معلومات عن الجربوع مع مقطع فيديو {ابو سلطان}
السلام عليكم ورحمة الله وبركاته اقدم اليكم معلومات بسيطة عن الجربوع مع مقطع فيديو من عملي وانتاجي ارجو مشاهدته حتى النهاية لما يحتويه من معلومات مفيدة ويومني خرجت أقفيت لارض الله وسيع الجال على بـرن هـواه يـداوي العلـه ويبريهـا ادور قصعة الجربوع والضب الفتـى يحتـال والأرنب ياشفاة الـروح محلاهـا وطاريهـا بلا كهرب ولابيجـر ولا غـازن ولا جـوال قوانين الحضـاره لاتبـي شوفـي ولا بيهـا الجربوع وهو حيوان طويل الرجلين وقصير اليدين جدا,وهو لايشرب الماء, يختبئ الجربوع نهارا في جحور يحفرها بنفسه، وباستطاعته حفر جحره على هيئة ممرات تحت الأرض متصلة ببعضها تنتهي قرب سطح الأرض للطوارئ. والمدخل الرئيسي للجحر يسمى باللهجة الدارجة بالقصعة حيث يقوم الجربوع بسدة بالحجر والتراب بعد الدخول حتى لا يدخل معه أي عدو https://up.albrari.com/uploads/13691596622.jpg اما النطاقة فهي مخرج سري للطوارىء يكون قريب جدا من سطح الارض وهش جدا حيث يترك طبقة أو قشرة خفيفة بمثابة سطح لنهاية الممر وعندما يشعر الجربوع بالخطر يضربه برأسه فينفتح ويطلق ساقيه للريح https://up.albrari.com/uploads/13691596623.jpg و كنا في القدم نجيب الشماغ ونحطه عليها ( النطاقه) ونقوم بالحفر من القصعه او العكس والا الجربوع من صيد امس بوسط الشماغ ودي واحترامي - |
الله يعطيك العافيه
ابا سلطان مقطع جميل ومعلومات رائعه لاهنت |
معلومات جميلة جدا عن الجربوع
تسلم يابو سلطان مقطع حلو جهود تذكر فتشكر عافاك الله |
اقتباس:
الله يعافيك اخوي ابو عدنان اسعدني مرورك يالغالي تحيتي لك - |
اقتباس:
لا شكر على واجب يسعدني عمل ذلك خدمة لجميع اعضاء وزوار منتديات البراري لاهنتي مراقبتنا واختي سراب تحيتي لكِ - |
ماشاء الله تبارك الله
وسبحان الله سبحان الله سبحان الله خلقهم وابدع في الخلق تبارك وتعالى وش هالزين يابوسلطان لا في الابيات ولا الشيلة ولا المقطع وماشاء الله عليك تصلح تصير مدرس علوم العيال ينسون كل المواد معك المقطع رائع وممتع والصور والمعلومات خطييييييرة انا اول مرة اسمع بها رغم اني صيادة جرابيع اول وقريت عنه معلومات لكن ماتوصلت الى هالمعومات الخطيرة يسد فتحة بيته بحصاه ويسوي له باب طوارئ ماسووها المسؤولين بيض الله وجهك وشكلنا بنستمتع بمواضيع شيقة ورائعة وممتعه من استاذنا وخبيرنا ابوسلطان خمس نجوم وفالك التميز بعد شكرا جزيلا |
وعليكم السلام ورحمة الله وبركاته
معلومات رائعه الله يعطيك العافيه اخي الكريم |
وعليكم السلام ورحمة الله وبركاته
يعطيك العافية مشرفنا الغالي ابو سلطان على هالمعلومات رجعتنا للماضي ويزينها من أيام جميلة في صيد الجرابيع |
حاجه حلوة والله ان رهيب وتصوير ارهب ومعلومه جميله
|
اقتباس:
مالقيتي الا مدرس عيال ههههههه وجهك ابيض يامراقبتنا مزن سدير واشكرك على كلمات الاطراء والنجوم ودي واحترامي - |
| الساعة الآن 06:27 PM |
Powered by vBulletin .
جميع الحقوق محفوظة © لشبكة ومنتديات البراري 2010