شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   عطني حنانك (https://www.albrari.com/vb/showthread.php?t=90560)

عبدالمحسن الرحمه 2020-06-03 07:31 AM

عطني حنانك
 
عطني حنانك يروّي قلبي الضامي
أنت الذي بالمحبه .حيل ضاميها
لبيه قربك حبيبي .شمعة أحلامي
ولبيه ذيك السوالف يوم تحكيها
حبك حبيبي يداوي جرحي الدامي
وبعدك ولو هي ثواني ما ادانيها
تعال شوف الغلا في صفحة أيامي
ابيك تكتب عليها وش تسميها ؟؟؟
ياحبي يالمشتعل يا مصدر .. الهامي
تفداك كل القوافي ......مع معانيها
ياروح روحي دواي .....وبلسم آلامي
ياغلا من الناس قاصيها .....ودانيها
منزلك وسط الحشا عام ن بعد عامي
لو طوّلت غيبتك .......ماظن تمحيها
قرّب طلبتك حبيبي والهدف سامي
ترى المحبة تبين ......ابوجه راعيها
أتخيلك دايما خلفي .........وقدامي
عشرتك عشرة وفى ..مانيب ناسيها
صوبتني بالمحبة.........وانته الرامي
عيون تخطب ودادك ........لاتبكيها
الجفن من بعدكم ....سهران مانامي
لاتبيع من عشرتك ....بالروح شاريها
حكمتني في ودادك ...حكم ن الزامي
لاتهدم اصروح حب ن كنت ....بانيها

بقآيآ .. حرف 2020-06-07 05:04 PM

لا تهدم صروح حب كنت بانيها

صح لسانك وعلا شانك امتعت وابدعت لا عدمنا وجودك
كل التحايا

متابع بهدوء 2020-06-27 02:37 PM

رائعه جدا


وشغل حزايني

والسلام

برق الساحل الغربي 2020-06-28 08:36 PM

يامحسن الرحمه أشعلت عصرنا الماضي
ترى الليالي ذيك ماني بناسيها


قصيده جزله حركت المشاعر
للحب الطاهر العفيف
شكرا ل شاعرنا وإلى مزيد من الرقي
وتقدم


الساعة الآن 10:06 AM

Powered by vBulletin .
جميع الحقوق محفوظة © لشبكة ومنتديات البراري 2010