|
لزاد فيك الهـم والـغـم مره.......
هذه القصيده هي تقدير لرجل يبذل قصارى جهده لمساعدة الاخرين ومد يد العون للمحتاجين اضافةً الى سجية الكرم التي جبلها الله عليها وهي موجهه للاخ العزيز / عبدالله العبدالمنعم(السلحوب) من اهالي مدينة عرعر ولمن هم على شاكلته لزاد فيك الهـــم والغــــــم مـــــــره = وحسيت وسط الصدر مثل البراكين وضاقت بك الدنيـا بحرهـــا وبـــــره = وضاعت عليك دروبها والعنــــاوين وتـسـاوت الـدنـيـا بـخـيـره وشــــره = وتداخـلـت امـور دنـيـاك والــديـــــن ولابـقـى لـلـصــبــر مـثــقـــــــال ذره = وقامت تراقـص بالعـيـون الشياطين عـليك باللي يم عـــرعـــر مقـــــــره = غربي اهلال وشرق رجم الـــبداوين عــبــــدالله الســـلــــــحـــوب لله دره = كـريم سـبـلا من ســلايل كـريـمـيــــن يرحـم عـجــوزٍ رضـعـتـه الـمـبــــره = يجري الكرم والطيب وسط الشرايين تـشوف بحـجاجـه مـواري الـمـسـره = لاقبل عـليه الضيـف بين العـشــاوين عـزالله انه عــون لـلـي يـمــــــــــره = وعون اليتامى والضعوف المساكين له مجلسٍ يجلي عن الـكـبـد حـــــره = يسلى به اللي صابه الغــم والـبــــين احمد بن عبدالرحمن العريفي (نديم المجره) |
الله عليك على هذي الرائعه صح السانك وكلك
والنعم بالممدوح يستاهل المدح منك |
صح لسانك
والرجل يستاهل دام عطائك |
تـشوف بحـجاجـه مـواري الـمـسـره = لاقبل عـليه الضيـف بين العـشــاوين عـزالله انه عــون لـلـي يـمــــــــــره = وعون اليتامى والضعوف المساكين رآآآئـعه رآآآئـعه رآآآئــعه من رواااائعك يامبدع البراري صح الله السانك واعتلااااشاااانك من اجمل ماقرأت بالمدح ويستاهل الممدوح ياهني لابتٍ هو منها لاحرمنا الله تواجدك المشرف في شبكتنا الغاليه دمت وداااام عطائك الجزل تقبل مروري اختك ام الدانه |
أبيات بقمة الروعه والجمال لا تنبع إلا من شاعر متمكن وأنت تملك كل الإبداع والتميز صح إلسانك وعلا شأنك ويستاهل الممدووووح دمت بحفظ الله |
الشاعر المبدع القدير ((احمد بن عبدالرحمن العريفي)) وخالقي قصيده في غاية الروعه ..تفيض بالجزاله وصادق الاحساس أستمتعنا بهذا الحبك الشعري الممتع يستاهل الكريم ابن الكريمين عبدالله العبدالمنعم (السلحوب) سلمت يمينك وعزت يسارك ودمت لــــــــــــــــــــــــــنا ســالمـــآ سعيدآآ,,, عناااااد الجهني ودي |
صح لسانك اخووووي
ومن قلت فيه هالابياات اكيد يستاهلها بيض الله وجهك على هالابيااات الجزله مشكووووووور سلام |
صحيح مبدع يانديم المجره = = = والمدح يزهى بالرجال الكريمين
صح لسانك يالعريفي ويستاهل الممدوح (ذكر الطيبين يبين) |
حياكم ربي شرفني مرورك الله يشرف مقداركم واسعدني ثنائكم الله يسعدك تحياتي |
| الساعة الآن 08:44 AM |
Powered by vBulletin .
جميع الحقوق محفوظة © لشبكة ومنتديات البراري 2010