|
&& نقطة التفتيش &&
نقطة التفتيش
حياكم الله من غير عدد ، عشان ماحدن يزعل :) تلاحظون ذا الايام عند كل اشاره ، وفي كل عاير نقطة تفتيش " أتمنى إن الله يحقق أهدافهم ، ويوفقهم ، ويقويهم " وطبعاً من خلال تفتيش السيارات أكيد يحصل مفاجآت ومواقف مضحكه واذا وقفت بسيارتك عند العسكري .. أول شيء يقول لك افتح الشنطه وانا عاد سيارتي ......... وماهنا أكبر من شنطة هالسياره المهم في إحدى القوايل وقفت عند نقطة التفتيش وقال لي العسكري افتح الشنطه فتحت الشنطه اللي يمكن صار لي سنتين ما فتحتها واثر الشنطه مليانه مليااااااااانه وبس مليانه قراشيع ومواعين وهدوم (( شقة عزوبي )) والعسكري يطلع من هالقراشيع وينطل في الشارع ويقول وش هالريحه؟؟ ومن ضمن الاشياء :- ضب ميت وباقي ذبيحة الشهر اللي طااف ,, مقاضي ومعلبات (تونه وقواطي صلصه وجبن منتهيه صلاحيتها) قدور وصحون وقز ودبة غاز (حقت الكشتااااات والطلعات) صندوق بيبسي قوارير فاضيه وكم وحده متكسراات فراش (مرقد) من زمااان ما غسل ووساااده لو يعضها كلب الله يكرمكم استغلث ... كيرم بدون حبوب طبعاً (( مظيعينهااا على طعس (( عااد رح دورهن )) كرتون مليان ملاعق وبصل خاوي وبطااطس ريحته تشق الخشم بس كلله يهون ولا اخر شيء طلعه العسكري فنايل علاقي وسراويل السنه ، طبعاً كلها ناصعة الصفار (( مغسولات بالنيل الاصفر ((يبي يغطي )) عقبها تفشلت وطاح وجهي قدام الناس ، وانا اللي اجمع قشي وخلاقيني واحطها في شنطة السياره ، وعلى طول اخذ يمين بعد التفتيش وجلد للبر ,, واجمعهن كلهن واشب فيهن وارتحت ,,,, والحين شنطة الموتر نظيفه ، ما فيها شيء وهذا اللي استفدته من حملة التفتيش والسلاااااااااام (( حاصله على واااحد من الاعضاء او المشرفين )) ريف النشاماا |
ههههههههههههههههههههههههههههههههه
أخوي ريف النشاما .. ياليتني العسكري اللي يفتش عليك .. !! كان عشقت الرشاش وسدحتك جمب المتور !! ههههههههههههه أجل نصف ذبيحة من الشهر الي طاف ؟!! وبيني وبينك مالها داعي السراويل والفنايل !! أنا مرة صارتلي عند مغسلة حطيت السيارة ورحت ويوم رجعت لقيته جامع فنايل وسراويل وقاطها جمب الموتر والعالم تمر وتتفرج !! بيني وبينك ماله داعي العسكري كان رحمك وعيونك المليانة براءة وماقام يدقق !! الله يهديهم بعض العسكر فيه لقافة يحب ينبش زيادة عن اللزوم مرة وقفوني من الساعة تقريبا 2 في الليل إلى سبعه الصباح كله عشان معي شنطة سام سونايت وقاللي إفتحها وفتحتها وفيه البوم صور حق البر والطلعات ويقعد ينبش في الصور ويقولي هذا يقربلك وهذا وش يصيرلك تلاقطت واياه وآخذها منه وركبني الدورية وخلاني في الحر إلين سبع الصباح ويوم خلصت النقطة قاللي يالله رح لبيتكم ؟!! أنا على طول على المركز سابقهم وأرفع عليهم شكوى !! بس سالفتك تحفة والله .!! ههههههههههههه الله يرجك !! |
هههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههه ياخوي ويش هذا كله الله يعينكم تحياتي لك ،،،، الحنون - مشرف ساحة الترحيب بالضيوف |
هههههههههههههههههه
والله فضايح واحد من الشباب يحب الغشمره والضحك واحنا نجتمع بعض الايام في مزرعة احد الاقارب في ملهم قال بعض الشباب والله يالعسكري اللي في تفتيش سلطانه بهذلني وفتش الين شبع بس اخونا الغشمري ضحك وقال ياويل امه ................. اشلون قام جاب هيش - عسبان فراخة نخل يابسه مليانه شوك واطراف شجر سدر واغصان قصار طلح من المزرعه وسواها في الشنطه والخبيث سوا عبوة فشقة ربع فاضيه وقديمه تحت الحطب يالله لف يده اليسرى كانها مكسوره وربطها في رقبته مر من عند النقطه ....... العسكري المقرود الحظ وقفه قال افتح الشنطه قال ابشر وعطاه المفتاح قال اعذرني يدي شوفة عينك العسكري شاف الشنطه ولفتت انتباهه الفشقه القديمه وهات ياتفتيش تقليب في الشنطه قال وش هذي قال اخونا والله ما ادري يمكن العامل محملها مع الحطب ما اطولها .............. العسكري يبي له شهر ينقش شوك من ايديه وصارت ضحكة زمان لما عرفنا العسكري لاننا احيانا نصلي الجمعه في سلطانه ونتقهوى بعد الصلاة عند رئيس المركز باختصار ........ شكرا لكم |
هلا هلا والله ابوثااااااابت
اجل تبي تعشق الرشاااش ليش هو تماتيك او عااادي يمكن خمس نمر ودي اخنقك ابيك تواسي تجي تحط حيلك على الضعيف المسكين بس حلوه ,,,, يسلملي هالخشم ربي يسلمك ولا اطيح بين ايديك ريف النشاما ,,, وشغلك عندي |
حبيب قليبي الحنوووون
تسلم والله ربي يحفظك ويخليك لاهلك ,,, إلا على فكره تزوجت او ليسى يااااااوااااااااد اهرج ,,, مشتااااقين لك ,,, ريف النشااما |
هلا والله بالنهاااام
والله مااا ادري اخاااف اللي رابط يديته انت انت قنباااازي وتحب الدقااات ,,, بس تبي الصدق بردت سبدي يااابعد سبدي انت لك الشكر والتقدير ريف النشاما |
هلا بك ياريف النشاما
هلا وغلا لا يالغالي مو انا انا ضعيف مسيكين اسأل الله الوهاب ان يرحمني اقول ادع الوهاب الواحد الاحد يعافينا ويعافيك المعنى في بطن الشاعر صح ؟ |
أخوي ريف النشاما ..
لا هو عايدي ماتشوف الكلتش !! خخخخخخخخخخ لاتدقق ؟ بيني وبينك تخوف انت !! تقول شغلك عندي ..أحس إنك مسويلي كمين ماعاد أدخل المنتدى الا ولابس خوذة . |
آآآآآآآآآ مين
نسأل الله سبحااانه وتعااالى ان يعااافيني قولواا آمين مشكور ربناااا هو الوهاااب سبحاانه ومع السلاااامه ريف النشاما ,,, |
| الساعة الآن 01:57 AM |
Powered by vBulletin .
جميع الحقوق محفوظة © لشبكة ومنتديات البراري 2010