|
عزالله أني كل طرق ٍ أجيدة ( جديد )
أقدر أسجل كل يوم ٍ قصيدة بس أني أخشى كل نفس ٍ حسودة هجوس حاكم والقوافي عبيدة لاجيت أبكتب قمت أحلل قيوده عزالله أني كل طرق ٍ أجيدة سحايب أفكاري تزمجر رعوده أنا متيّم بالقواف العنيدة أحدها لو هي بخارج حدوده أبداعي الشعري ينقي جديدة فيه التميز والجزالة تسوده أبيات ذوق ٍ هاوية للفريدة مكانها صدري تهنى برقوده الحمد الله كاسب ٍ للحميدة والحمد الله نفس ماهي جحوده أحب بالدنيا نفوس ٍسعيدة وأحب رجل ٍ وافين في عهوده أهوى علوم الدين واطلب مزيده صابر على وقت ٍ تزايد وقوده أصاحب اللي به مزايا مجيدة رجل ٍ يخاف الله عريبه جدوده أبعد عن اللي بالمواقف جحيدة أبعده من صدري عسى مايعوده الميزة اللي في حشانا وكيدة طيبه بقلبي والخلايق شهوده ياليت؟ تنفع للزمان وتعيده أعيش ساعات ٍ تصير امعدوده وقت ٍ به الألفة وحب العقيدة والبذل للمعسر وكلن بجوده وقته شبيه ٍ بالليال السعيدة فيه التأخي والتعاطف يسوده تزول عن قلبك هموم ٍ نكيدة لأمن ذكرت الجار تصدق وعوده لاواخسارة يالليال الفقيدة اللي بها للضيف تقدح زنوده أيام عشناها جميلة فريدة فاحت مباخرها بها ريح عودة أيامنا هذي فتنها شديدة بانت خفايا ناس والله حقودة تبغا تحصد الخير مثل الحصيدة تبذر بذور الشر دايم تروده ياالله ياللي تفعل اللي تريده يامن شمل خلقه بخيره وجوده تفني هلّ الفتنه وتقطع وريده اللي تغذيهم دسايس يهوده خلو من الحبة قصور ٍ مشيده يبون هزّ الدين ساسة وعموده شوفوا التظاهر بالديار البعيدة تظاهرات ٍ صدق ماهي امحموده صار العدو حر ٍ وحنا الطريدة يطرد ورأنا لين وثق قيوده هذا مخطط محكم ٍ بتعميده من مدة ٍ بانت علينا بنوده كم حاولوا هزّ الديار العقيدة المملكة تسلم وحنا جنوده من ينوي النية لها بالمكيدة جاله غضب شعب ٍ عليه امحشوده حنا على الظالم وحنا نبيدة نقدح زناد الحرب نفري كبوده ننصب كمين ٍللعدو ثم نصيده نقطع عروق أهل القلوب الحقودة يقودنا حاكم ارائه سديدة يحمي حماها من نفوس ٍ حسودة عز الله أنه بالشجاعة وليدة شهم الفضايل من سلايل أسوده حاكم حكيم ٍ به مزايا عديدة الخير والطيبة ونفسه صموده جل ّ التواضع والمكارم بإيده أضفى على شعبه خزائن نقوده حبك تردد في حشايا واعيدة مشتل غلاكم به نوادر وروده طالبك ربي كل خير ٍ تزيده يامن بيده الخير ماشن يكوده |
كفو وصح لسانك قصيدة جزلة المعاني وتسلم وننتظر جديدك |
ياماااال العااافيه كفو والله صح الله الساااانك واعتلاااا شااانك قصيدة جزلة المعاني الله يبارك فيك وبانتظااار جديدك لك تحياااتي |
كفو والله شاعر مبدع وعملاق بعد تسلم ونشوف جديدك
|
اقتباس:
هلابك والله يالركام صح بدنك طال عمرك |
اقتباس:
حياكم الله صح بدنك |
اقتباس:
أبشر طال عمرك شاكر لك الرد |
أحب بالدنيا نفوس ٍسعيدة وأحب رجل ٍ وافين في عهوده أهوى علوم الدين واطلب مزيده صابر على وقت ٍ تزايد وقوده أصاحب اللي به مزايا مجيدة رجل ٍ يخاف الله عريبه جدوده صح الله لسانك على هذه الابيات ابيات في غايه الروعة والجمال وتقبل تحياتي |
أبداعي الشعري ينقي جديدة فيه التميز والجزالة تسوده صدقت شاعرنا ابياتك في قمة الروووعه صح لسانك واعتلا شانك ننتظر الجديد دمت بحفظ الباري |
صح لسانك أخي الفاضل والحبيب الغالي " أبومالك " عبدالمحسن العمر جزاك الله خيرا ورحم الله والديك قدها وقدود يا رعاك الله وفقنا الله وإياك إلى مايحبه ويرضاه اللهم آمين |
| الساعة الآن 04:25 PM |
Powered by vBulletin .
جميع الحقوق محفوظة © لشبكة ومنتديات البراري 2010