قصيدة مهداه الى شاعرنا القدير / غانم الضومري
 

[align=CENTER][table1="width:85%;background-color:royalblue;border:8px solid black;"][cell="filter:;"][align=center]
[align=CENTER][table1="width:80%;background-color:black;"][cell="filter:;"][align=center]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته وبعد
الى ادارة واعضاء منتدى البراري يشرفني ويسعدني ان اكون احدى اعضاء هذا المنتدى والشكر لله ثم الى شاعرنا الكبير / غانم الضومري الذي له الفضل الكثير بعدالله في الانضمام لهذا المنتدى. وفي هذه المناسبه اهديه هذه القصيده كما اعد ادارة واعضاء ومتابعي هذا المنتدى في المزيد ,,,

القصيدة

لبيت دعوة مستشار البـــــــــــراري *** من كثر ماله في سما الود مقـــــــدار

وحبيت اشرف واحدً مستشـــــــاري*** واشرب من الكيف المسوا على النار

حرً على الماجوب والطيب ضاري *** مثل الجبال الراسيه ضلع سنجــــــار

اسمً يذكرني بريف الصحــــــــاري *** اللي لها عندي مع البدو تذكـــــــــار

ايام ليلي مستوي مع نهـــــــــــاري *** يازينها لاصوت الجار للجـــــــــــار

ماعنده الا صيد خرب الحبــــــاري *** والا يسوي له مع البر مضمــــــــار

القلب صافي والنوايا قمـــــــــاري *** والجار مايخفي عن الجار جمــــــار

هذي حلاة العمر والعمر جـــــاري *** مير الزمن من كثر الاحداث منـــدار

اليوم غير العام شئً اجبــــــــــاري *** مايعلمه ياكود علام الاســــــــــــرار

والوسم قرب مير شد المـــــــذاري *** قبل يلوح البرق وتهل الامطـــــــــار

دور على جيب مكمل سفـــــــاري *** وان ماحصل دورعلى جيب فكس ار

خوت رجال الطيب دايم شعــــاري*** اللي لهم عند الرياجيل معبــــــــــــار

لاصار ابن خالك عضيدً امبــاري*** لاتشيل هم الوقت لاصار ماصــــــــار

بينك وبين الوقت وان جاك طاري*** اضرب على الصعبات من دون تحتار

ترا رجال الطيب فيهم مـــــواري *** في ساعة كنك على صالي النــــــــــار

واقبل تحيات الوفا يابن ثــــــاري *** من واحد ماحط له عنك معــــــــــــذار

الشاعر / ماجد بديح
.

[/align][/cell][/table1][/align][/align][/cell][/table1][/align]

صح لسانك ياماجد
يستاهل الممدوح
دام تواصلك .