ذاعت اخبار المطر من كل صوب / وكل دار غير داري سايله
ذاعت اخبار المطر من كل صوب
وكـل دار غـيـر داري سـايـلــه حكمة الله مانزل فهو محسوب ياعسى ماهي ذنـوب حايلــه رحمتك يارب واغفر لي واتوب مـالمــع برق وانا ماخـايـلــه وكلما هبت علينا من هـبـوب جالناخاطر بسـحـب هايلــه في الخيال السحب كجبال نصوب صبها من السحب ماهي مايلـه وان نظرت لحالنا نوب ونـوب مالقــيت اللي رسـمت وقايلـه ارضنا جفت وتشكي من نضوب والنخـل يبست على مسايـلــه رحـمتـك ياغـافر كل الـذنــوب في سحـاب نرتوي باوايـلـه رحمتك يارب في سحب تجوب دارنا الحـلــوة تجـي دلايـلــه حبها مانيب انا فيه مغصوب حـدهـا مافــيـه احــد طايـلــه الركام |
صح لسانك ياشاعرنا الركام وأسأل الله العظيم أن يرزقكم بالسيل اللي يرد ابياركم ويخضر بنخلكم
تحية عطرة |
صح لسانك وعلا شانك شاعرنا الكريم
الركام أبيات عذبه ورائعه وأسأل الله أن يغيث البلاد والعباد كل التحايا |
صح الله لسانك اخي الركام
الله يغيثكم ويغيثنا معكم ابيات جزله كما عودتنا جل التحايا واجملها |
ايه هذي القصايد الي تبرد القلب يالركام وبشربالخير من ربن كريم وتبي تفرح بالمطرالي يبرد قلبك يالركام وعسا ان تكرهو شي وهو خير لكم لله فيذالك حكمه اقول يالركام وراك ماتمر الحماده في شقراء وتشوف البحارومواجها الحماده بحر ونضافه ومضلات على قوله واحد من الربع رايح لها ويقولي انا في الخبر على البحر ولا في شقراء قلت الا في شقراء جعلها للسيل ونا والله منيب في شقراء ساكن الرياض ولوي في شقراء والله العظيم اني اجيك في بيتك وروحبك ومشيك في المطروطيب خاطرك بالتمشي بس الشكوا لله في الرياض للظروف غصب |
اقتباس:
الركــام .. عذوبه ورقي وإحساس يلامس القلوب .. رغم مافيها من الأسى والجفاف الذي طال الأرض ،، إلاّ أنك كنت لنا غيمة شعر رُكاميه أمطرتنا بجميل الشعر والإبداع اللاّ متناهي ~ لا ، ولن نرتوي من عذب سلسبيلك بل نقول هنا هل من مزيد ؟! تواجد فقط من أجلك .. مع أطيب التحايا لسموك الكريم :ordh: رذاذ |
صحت ابدانكم جميعا
واشكركم على مروركم الكريم 🌹🌺🌹 |
حكمة الله مانزل فهو محسوب
ياعسى ماهي ذنـوب حايلــه رحمتك يارب واغفر لي واتوب مـالمــع برق وانا ماخـايـلــه وكلما هبت علينا من هـبـوب جالناخاطر بسـحـب هايلــه صح لسانك يابو سعود اللهم اغثنا يامغيث |
السلام عليكم ورحمة الله وبركاته
صح لسانك ياغالي ننتظر جديدك |
صح الله السانك يابو سعود جزلة من جزل
كل التحايا سيدي |
الساعة الآن 01:47 PM |
Powered by vBulletin .
جميع الحقوق محفوظة © لشبكة ومنتديات البراري 2010