أمطار اليوم السبت 1\1\1428هــ
 

السلام عليكم ورحمة الله وبركاته ،،،
مطرنا بفضل الله ورحمته اللهم صيبا نافعا من بعد الظهر والساعه الثانيه والنصف والسحاب زين ومحرين بخير وبدأ السحاب يشد اخر العصر وجانا خبر قبل اذان المغرب رشاش مطر على المستوي وبعد المغرب بدأ الخير واقوى المطر شمال شقراء شقراء مشت الشوارع وصبت المرازيم واشيقر ايضا جاهم سيل طيب واخر ما وصلت محطة الغرابه والمطر طيب لكن ما مشت كل الشعبان لكن ارتوت الارض ولله الحمد ومشا من الشعبان الخليف والمظلم خفيف والارض مناقع من بعد شعيب خروب الى الهوبجه والله يجيب الخير

شعيب الخليف طريق المستوي بعد شقراء شمال 15 كيلوا


https://www.mixq8.com/uploads/uploads11/IMG_0532.JPG


https://www.mixq8.com/uploads/uploads11/IMG_0537.JPG


https://www.mixq8.com/uploads/uploads11/IMG_0561.JPG


واعذرونا على القصور وتخبرون اليل ما معه عيشه لا تصوير ولا تمشي

ياجعلك تسلم ياابو عبدالعزيز مامن قصور يالغالي

بشرك الله بالجنه ووالدينا ووالديكم

اجل الربيع لا تنشد ان شاء الله نشوف شيء ممتاز هذه السنه بحول الله

تسلم بارك الله فيك

وعليكم السلام ورحمة الله وبركاته

أبو عبد العزيز

جزاك الله خير الجزاء

وأدخلك الفردوس الأعلى

ابو هشام حياك الله عطنا عمرك

ابو خالد مشكور على التعليق

الله يعطيك العافية ياابوعبدالعزيز على هالتقرير المصور

https://www.t7mel.com/Files1/9f4e2bc952.jpg

اهم شي صورتي طالعه

وعليكم السلام ورحمة الله وبركاته

أخوي التميمي أبو عبدالعزيز أمطار خير وبركة وعم بها البلاد والعباد

والله يغيثنا الأمطار الغزيرة النافعة الغير ضارة

وترى تصويرك طيب لكن بالليل عادة التصوير غير واضح بسبب الظلام وهذه تحتاج إلى كاميرا ديجيتل لأن بها فلاش زينوا

المهم بارك الله

ونتمنى أن نرى جديدك بأقرب وقت إن شاء الله تعالى


إلى الأمام

أخوكم / أبو عابد

الله يعطيك العافية يا ابو عبد العزيز على هذا التقرير والصور التي ابهجت النفس وسرت الخاطر وعلم خويك اللي على الجرف لايتعودها مرة ثانية وينهد به وأظن انه ابو بريهه وقل له تراه غالي على اهله وعلينا ومشكووووووووووووووووووووووووووووووورين

يا ملا العافية

والف شكر على الموضوع وعلى الصور

جزاك الله خير


الجارح 2000

الله يعطيك العافية اخوي

بإذن الله نسير عليكم ونشوف المطروالربيع

الله لا يهينك احوي التميمي علومك كلها غانمة