|
( درَّة عسير ) للشاعر عبدالرَّزاق الهذيل
(أَبْهَا ـ دُرَّة عَسِيْر ) *** أجمل ديـــــار الكون وابهـــــــاهن أبها دارٍ تعـــــلَّت فـــــوق روس المشـاريف دُرَّة عســــــــــــــير المنتــقاة .. وذهبها وسحر الجنوب اللي يفوق التُّواصيف جلّْ وتعــــــالى .. خـــــــالقٍ قد وهبها طبيعة أرضٍ ما تغيَّر .. شـتا ، صيف شابه ( محرَّمها ) بالآشهر .. رجــبها دايم سماها ممطرة .. وارضها.. ريف فتنة نظر .. من لـــــدّْ فيها .. رغبها ياما قلوبٍ .. في هــــواها .. مشاغيف أبرز سمات رجــــــــالها .. حُسن أدبها وســـــــموَّها عن تافــــهات السُّواليف نـــــــــــــوادرٍ .. بالطِّيب محــــدٍ غلبها يـــامـــا بها .. من هبَّة الرِّيح للضَّيف أبها .. فتـــــــــــــونٍ .. جمَّلوها عـربها مثل العروس بوسط جمع الزِّفــافيف جــــــــــــــــذَّابةٍ .. ما شاقها واجتذبها بالحبّْ مخلوقٍ مثل ( دايم السَّيف ) في (خالد الفيصل)حضت في طلبها وخالد .. يزيد أرضٍ بها حلّْ تشـريف له هيبةٍ .. تواضــــــعه .. مــــا حجبها وله كلمةٍ تفعل .. كما يفعـل السَّيف من راس "فيصل" حنكته مكتسبها ما هيب خافِيْتَه دروب الثَّــنا .. كيف ؟ سيِّد "عســـــير" وبالأدب .. مُنْتَخَبْهَا من معدنٍ .. ما شـابه الغشّْ والزَّيف هو كاسب النُّوماس .. ومنومس أبها وحجابها .. عن عـــــاتيات العواصيف فــــــــازت بحبَّه .. واخـــلف الله تعبها جاها على المنوة وجت له على الكيف فيه إستعزَّت .. والهـــــــــوان إجتنبها ما تشتكي به لا نــــدامة .. ولا حيف وصلت معه بالمجد لآعْــــــــــلَى رتبها همَّه .. لها ياخـــــذ من العزّْ وايْضِيْف في عهد من عـــــينه على الدَّار نبها عهد " الفَهَدْ " عَهْدٍ على دارنا ريف كلّْ المُدُن بآفضـــــــــال طيبه .. غلبها من منهلٍ .. يبغى حفُــــوْنٍ غواريف ما تُــــدْرَك الحُسْنَى .. بليــــــَّا سببها وخــالد طلع بابها سبب كلّْ ما شيف بان البــــــها فيها بـ ( أبو بندر ) أبها وتزخــــــرفت بافكاره .. أحلى زخاريف واليوم .. يهــــــتال النَّظر من عَجَبْها ما ينتوصَّف سحرها .. بالتُّـــــواصيف هي .. جنَّة الدِّنيا .. وغـــــــــاية طربها واقصى طمــــوحات الرِّجال العواريف *** عبدالرَّزاق الهُذَيْل |
يعطيك العافية أخوي هنا القريات |
| الساعة الآن 09:05 PM |
Powered by vBulletin .
جميع الحقوق محفوظة © لشبكة ومنتديات البراري 2010