جناح البعوضه
 

عسى السحاب اللي تحدر واساقي
يكشف استار الليل كشاف نوضه

متراكم ن مزنه وبله حقاقي
ترزم مقاديمه وتهمل اعروضه

ياخذ شهر وايام وبله يساقي
دار اطفوله لين يخضر روضه

دار مساكنها بقت له بواقي
وأكثر مبانيها تهاوت انقوضه

ايام عمر ن كنها في سباقي
تسوقنا يم المنيه وحوضه

يالادمي لوكنت ببروج راقي
وعندك مفاتيح الكنوز امعروضه

لا صار ما تدفع بيوم الفراقي
تجارة ماسر كثرت اعروضه

في ساعة تلتف ساق بساقي
تصير ما تسوى جناح البعوضه

صح لسانك مدد بلا عدد يالشاعر

بن حماد

ابدعت وامتعت ولاهنت

وافر التحايا

صح بدنك يابو سعود مشكور على المرور

صح بدنك مشكور اخوي على المرور واعتذر عن التأخير في الرد
تحيتي وتقديري