|
قصيدة عن البر والقنصـ والصيــــــد
طبعي هواوي وأعشق القنص والصيد === وأطرب ليا فاح النفل من عباتي
وأجلس مع القمرى بليل التساهيد ==== وأشب ناري ثم ألوح عصاتي وأقرب دلالي على النار من حيد === دلال أبويه دايمٍ من سواتي وأترجم أحساسي على صفحه البيد === وأرتب بيوتي بكيفي وذاتي وأجيب سامر وألعب الشعر وأعيد === ولا حان وقت الفرض أصلي صلاتي وأستغفر الله وطلبه كل ما أريد === راحت ضميري والصبر والثباتي طبعي هواوي وأعشق القنص والصيد === من خلقتي وهذي مسيرة حياتي الشاعر محمد الفريدي منقولـ وهاذي وحدة ثــــــانية بس مو نفس الشاعر : ياماحـــلا والنار يضـــوي لهبها ,, في فيضــة فيها الحيا مابعد شــيف في خــــــيمة منصوبة في خببها ,, ودلال صـــفر ماشريته من الســيف في مجلس فيه النشامى وأدبها ,, قصـــــــــيد ينقونه ولاهوب تصفــيف وســـوالف رجال معادن ذهبها ,, مع قهوة تطرب هل الراس والكــيف والجيب والعدة وباقي زهبهـــا ,, وســـمان ماطـبت شـــبوك وتعــليف 2007 والسست ماسـحبها ,, شــــد البـــلد نقـــد ولاهوب تســـليف منـــوة هل البران غاية طلبها ,, مطــوع العسرات نقــــرة مع الســيف له شــــهرة ياما عقول سلبها ,, ( فكس آر) مايحتاج مـــــــدح وتعريف وزود شعاع الشمس عنا حجبها ,, جانــــا حـــــليبه دون خــلط وتغـليف وشحنة سمر وإرطا من أرضه حطبها ,, النار عنوانه كروكي وتوصيف وذبيــــحة للضــيف لاجـــا ســـــحبها ,, ماحسب حسابه ولابه تحاسيف وطــــباخ له خــبرة قديــــم كســـــبها ,, ماحاقه الهندي ولاسالم الشيف هــذي منـــاتي لابطــايف ولا أبهـــــــا ,, وأيضا ولالندن وباريس وجنيف هذا عـــــلاج النفس ســــاعة عطـبها ,, مابي المدينة بين عادم وتكييف وصـــلاة ربي عــد ســــيل بشـــــعبها ,, وعداد مانبت الحيا وأزهر الريف على النبي الهاشـــمي من عـــــربها ,, اللي صدع من دون كذب وتزييف وسلامتكـــم ياالأجواد منقولة |
صح السان الشعراء وصح ذوقك الرائع
|
تسلم اخوي على هذه القصيده وارجو الاكثار من قصائد القنص والبر لأني من هواة ذلك
|
وأجيب سامر وألعب الشعر وأعيد === ولا حان وقت الفرض أصلي صلاتي كل الشكر لطرحك وننتظر القادم وهذا بيت القصيد وصح لسان الشاعر وسلمت أناملك على النقل |
الله يعطيك العافية يارب
|
هــذي منـــاتي لابطــايف ولا أبهـــــــا ,, وأيضا ولالندن وباريس وجنيف هذا عـــــلاج النفس ســــاعة عطـبها ,, مابي المدينة بين عادم وتكييف وصح لسان الشاعر |
| الساعة الآن 10:07 PM |
Powered by vBulletin .
جميع الحقوق محفوظة © لشبكة ومنتديات البراري 2010