|
عربون تواصل / من الأرشيف
ليلي سرى ياطول مسرى التفاكير
والبال في تقليب الاحوال حاير هواجس الافكار مثل البوابير نبحر بها فوق البحور الغزاير يالله عساها تنتهي رحلة السير ويالله عسى بالمقبلات البشاير طالت معك ياليل ذيك التفاكير مدري بعد هذا السهر ويش صاير اما مع الايام نلقى التباشير والا غدت ذيك البشاير عباير اما تغرد في سمانا العصافير والا تنوح الورق في كل عاير يالله يامنش السحاب المزابير ياللي على تدبيرك الكون ساير انك تحل عقود صلف المقادير الحال مايخفاك والهم جاير الحظ الامحق بالليال المدابير ماهوب صاحي لو تدور الدواير الا على امرك يامغيث المعاسير يصير له وجهٍ جديدٍ مغاير شكوى لغيرك ياولي التدابير ماهيب راس المال لاهل البصاير فيها الخجل بين الوجيه المسافير وفيها مذلة ميتين الضماير ما اشكي لغيرك وانت ماغيرك يجير لا راودتنا المعضلات العساير وا شملي اللي شتته المشاوير اسير في سكة ظروفي واساير واصبحت اهاجر مثل ماهاجر الطير من ديرة لديرة مدى الحول طاير وارجي يحل الحول الاخر على خير ويطيب جرحن بين الاظلاع غاير يالله بعلمٍ يبهج النفس ويصير للخاطر المكسور مثل الجباير وسلامتكم |
اما تغرد في سمانا العصافير
والا تنوح الورق في كل عاير ، الله الله صح لسانك وعلا شانك شاعرنا المتألق رامز ابدعت وامتعت بيض الله وجهك |
يالله عساها تنتهي رحلة السير ويالله عسى بالمقبلات البشاير صح لسانك شاعرنا وبيض الله وجهك على هالمشاركة ودي واحترامي - |
الله عليك يارامز
شعر جزل وشعور لا يضاها دام العطاء تحيتي |
اما مع الايام نلقى التباشير
والا غدت ذيك البشاير عباير ألله ألله عليك صح لسانك وصح ذوقك على هكذا قصيد قصيده بحق راااائعه بروعة حضورك وتواجدك .. تقبل استاذي مروري المتواضع مع خالص احترامي وتقديري |
| الساعة الآن 09:33 AM |
Powered by vBulletin .
جميع الحقوق محفوظة © لشبكة ومنتديات البراري 2010