|
أحبك موووت .. ديوان الشاعر / خالد بن منشار ... حصري للبراري
[align=CENTER][table1="width:95%;background-color:black;"][cell="filter:;"][align=center]
السلام عليكم ورحمة الله وبركاته اقدم بين ايديكم ديواني خاص للبراري اتمنى ان يحوز على قليل من رضاكم . [/align][/cell][/table1][/align]. |
شغب
[ALIGN=CENTER][TABLE1="width:70%;background-color:black;border:7px groove red;"][CELL="filter:;"][ALIGN=center]
شغـــب إمّـا تحبينـي رضـا وإلاّ فحبينـي غصُـب [/ALIGN][/CELL][/TABLE1][/ALIGN]بعلمك وشلون احب وكيـف ابادلـك الشعـور أبيك لا قلتـي أحبـك تفهمـي معنـى أحـب أبي تقوليهـا بقلبـك واسمـع انفاسـك تفـور يابنت انا غاوي وصالك ماعلـى قلبـي عتـب من يوم شفتك والحنايا ترتجي منـك الحظـور تعالي ابعينـي هنـا مابيـن نونـي والهـدب تعالي اسقيك المحبه مـن صباحـي للسحـور تعالي ابقلـب ٍ رقيـق ٍ ماخـذٍ لـون الذهـب قلب ٍ يحب وما تغيّر لو عثـت فيـه الدهـور تعالي ارسم لك بعينـك لوحـة ٍ فيهـا سحـب تمطر لك اشواق ٍ وتنبت في طرف عينك زهور تعالي اطفي ما بقلبي مـن جراحـات ولهـب واروي فؤادي من وصالك واعتلي باعلا قصور ضمّيني احتاجك بوقـت ٍ زايـد ٍ فيـه التعـب ضمّيني احتاجك رجا ضمّيني احتاجك غـرور ما باقي الاّ خطوتين ويحـرق القلـب الشهـب أرجوك حبيني عشاني .. حب عشّاق ٍ طهـور هذي سطوري والهوى في حظرته رمحك نشب هذي سطوري وانتي اقري ما بقى بين السطور هذا أنا واشواق قلبـي عايشيـن ٍ فـي شغـب انطر تحبيني ويشرق في سما عينـي سـرور ؟ |
ياثقل دم الغياب
[ALIGN=CENTER][TABLE1="width:70%;background-color:black;border:8px inset silver;"][CELL="filter:;"][ALIGN=center] ياثقل دم الغيـــاب https://www.aljsad.net/imgupload/uplo...b44ea001963jpg تغيب عني حبيبي واحتري الرجعه ياثقل دمّ الغياب وثقل ساعاته اقعد لحالي وبي اشواق مجتمعه واسرق من الوقت شعري واكتب ابياته يارروح روحي دخيلك ارجعي ابسرعه جالس على اعصاب وقليبي بونّاته اكتب لك الشعر وابياتي بها طمعه تبغيك دايم حروفه واجمل آهاته الله من حبّك اللي صار لي شمعه اشوف دربي بنورك في مسافاته اهواك رغم المسافه والهوى طبعه ما يعرف البعد ويقدّر حكاياته هذا الغلا منسكب لك مايبي قْطعه ياللي ملكتي فؤادي قبل نزواته والله محدٍ وصلّك بالغلا ربعه ربع الغلا اللي بقلبي أو مداراته ياسكّره من حلاها طالعه طلعه يغار منها الحلا ويذوب في ذاته خفيفة الدم زيديني من الجرعه استانس ابحكيك وطيبك ونفحاته اتقطّع ابشوفتك قطعه ورى قطعه أذوب وآحسّ صدري زادت اصواته بالله عودي ترى طالبك بالفزعه مقوى غيابك عليْ ماهي بحزّاته حبيبك اليوم من بعدك فقد سمعه الناس تحكي وهو فاقد وبسكاته ساكت واناظر وعيني تحتري الرجعه ياثقل دمّ الغياب وثقل ساعاته . [/ALIGN] [/CELL][/TABLE1][/ALIGN] |
ياخيّ
[ALIGN=CENTER][TABLE1="width:70%;background-color:orange;border:4px solid black;"][CELL="filter:;"][ALIGN=center] [ALIGN=CENTER][TABLE1="width:70%;background-color:black;"][CELL="filter:;"][ALIGN=center] يــــا خــيّ https://4.bp.blogspot.com/-aFsQYPTUJL...154839.gif.jpg جيت اشتكي من وحدتي لاهب الكيّ والصدر من حرّه كما النار كاوي محروق انا بالبعد والشوق بي حيّ مشتاق له والجمر فالقلب شاوي ياحسرتي كان الجفا يسبق الضيّ يامسرعه ذا الحب ضيّع هقاوي راح الحبيب ومابقى في يدي شيّ راح وتركني في حياتي خلاوي ضامي وفي بعده ابي شربة الميّ عطشان حبّه ليت يلطف وياوي ترك بقلبي جرح ماشفت له زيّ جرح ٍ عميق ومالنا من يداوي كم قلت لك ياقلب عن حبّهم عيّ ماطعتني ياقلب طحت امتساوي ياويل حالي وين انا صرت ياخيّ تايه وكلّي من فراقه بلاوي [/ALIGN][/CELL][/TABLE1][/ALIGN] [/ALIGN][/CELL][/TABLE1][/ALIGN] |
ثورة انفاس
[align=CENTER][table1="width:70%;background-color:sienna;border:10px groove burlywood;"][cell="filter:;"][align=center]
ثـــورة أنفـــاس يـاثـورة انـفــاس الصــدور الـحزيــنه هـبّـي علــيّ وكـفّنـيــني بالاكـفـــان ضـاقــت بـــي الـدنـيا وروحي سـجـيـنـه والعـمـر وقّــف بــي عـلـى كـومـة احــزان ما ذقـت من دنـيــاي غــيــر الغـبـيـنـه ومـا عشتـهـا فــي يـوم يانــاس فـرحــان عُـــقب الـذي روّح وجـافـا حنـيــنــه اقفـى وانـا ادري بــه عـلـى العـهـد لــلآن مــجبـور يــتــركني ويـتـرك ســنـيـنـــه مجـبـور يتنـاسـى وفــي صـدره اشـجــان والـبـارحـــه شـــفتـه وعـــيني بــعينـــه شفت الحزن في محجر العين طوفان شـفـتـه وفـي عـيـنـه جـــــروح ٍ دفـيــنــه اقـبــل وحالــه ناحــل ٍ والـحـزن بــــان جـلـسـت انـا ويّـاه .. وايـدي ابـيـديـنـه واحــسّ به رعـشه وهـــو حـيـل تـعـبـان يـبـكــي وانـا ابـكي ثــمّ مـدّ ابـيـمـيـنــه وقــال سامحـني تـرى الـحـبّ مـا هـــان بـغــيـت اضمّـه والمــلا شــايــفــيــنــه وخـفـت حـكي الـناس وعــيـون عــيّــان والله لـو بـيــــــدي لاقــبّـــل جــبيـنـــه واحضنـه واشـرب دمعـةٍ فـوق الاوجان لكــنّ راح الوقـــــت مــنّي بــحــينـــه يامسـرعـه كـيـف انقـضـى يــوم لي زان ثـمّـن تـوادعـنـا وراح الـــمديـنه ســافر وقـلبي مــا تـهــنّـى وضمــيــان ما امـداني افــرح فـيــه وينـي ووينــه روّح وشـلّ الـروح وامـسـيت شفقــان هـذا الذي يـاناس بيـني وبــيــنـــه ان اجتمعنـا ساعـة ٍ ضاعـت ازمان دايـم فـراق ومـا عــرفنـا الـسـكيـنه والحب يتـزايـد ولا فـيــه نقصـــان يـــزيـد حـبّـي لــه وروحـي رهـيـنه ويزيد حبّـــه لـي ولا فيـه خـسـران والـيـوم قلـبي مــا اسـمـع الاّ ونـيـنه واعـدّ وقـتي وانــتظــر جيّـــة افـلان [/align][/cell][/table1][/align] |
ساكن بدر
[align=CENTER][table1="width:70%;background-color:black;"][cell="filter:;"][align=center] ســاكن بـــدر https://www.hia6.com/forum/storeimg/k...262900_169.jpg والله انّ الحزن في قلبي كبر وانّ دمعي ما وقف يذرف ذريف ضاق صدري يوم زفّيت الخبر يوم قلت انسى وزوّدت النزيف وش بقى لا رحت من هذا العمر تسقط ايّامي كما أوراق الخريف انت لو روّحت وش عاد انتظر غير موتي لا انطعن صدري بسيف بسّ انا طالبك عد فيني النظر واحكم ابحكمٍ على قلبي خفيف خابرك طيّب ونفحاتك عطر قلبك ابيض ماعرف ظلم ٍ وزيف ياحنون القلب ياساكن بدر لا تخلّيني ترى وضعي مخيف [/align][/cell][/table1][/align] |
ياليت جوالي برقمه يرني
[ALIGN=CENTER][TABLE1="width:80%;background-color:black;border:10px ridge deeppink;"][CELL="filter:;"][ALIGN=center] ياليت جوالي برقمه يرني https://www.imuae.com/vb/imgcache2/240807.gif البارحه قلبي على الزين ونّي من بعد ما روّح وفي القلب ونّه سريت ليلي من عذابه اغنّي من عُقب ما خيّب ظنوني وظنّه روّح وخلاّني بليل التمنّي احلم يعوّد لي ويضحك بسـنّه لكنّ ماعوّد وانا له أحنّي سهران طول الليل جرحي اكنّه اشتقت له والقلب ياصاح جنّي في غيبته كلّ الحواس اشتكنّه ليه امتحنّي بسّ ليه امتحنّي ما ريّح الخافق ولا راح منّه اقفى وبيدينه حبيبي طعنّي قتل فؤادٍ ما نشـد غير عنّه ياليت جوّالي برقمه يرنّي واسمع سواليفه وصوته وفنّه ذاك اللذي زينه ووصفه يعنّي مثل القمر صعب الملا يوصفنّه اوصافه اللي كالخيال ابتلنّي اخاف من عين الحسد لو ترنّه ادعج كحيل العين حبّه سكنّي ماراق لي غيره ولو فاح بنّه ربروب ويحبّ الدلع والتّثنّي سكّر لسانه لا حكى استجنّه خفيف دمّ وضحكته تذبحنّي اموت به ياليت يرجع يحنّه والبارحه قلبي على الزين ونّي من بعد ماروّح وفالقـلب ونّه [/ALIGN][/CELL][/TABLE1][/ALIGN] |
خايف عليك
[ALIGN=CENTER][TABLE1="width:70%;background-color:coral;border:9px groove darkred;"][CELL="filter:;"][ALIGN=center] https://www.m5zn.com/uploads2/2012/3/...m52cbvkkyn.jpg لا تحسبينـي خايف ٍ مـن مـمـاتـي خايف عليك انتـي اذا متّ شيصير شيصير فــي حـالك اذا جـت وفـاتي شيصير..مــدري مالها أيّ تفسير شـايـل هـمومك قبل تـوديـع ذاتـي قبـل اغمض عيوني ولي ألف تبرير لا قــالوا انّه مات ما عــاد يآتـي من يمسـح ادموعك ويحضنك ويشيـر مــن يسعدك لا رحت مـن يـاغـلاتـي من يحـمل اهـمومك ويقـرا التعابـير بالله لا تبكـين هــذي وصاتــي وتخيّلينـي مـعْك حـيّ ٍ وفي خيــر دخـيل عـينك لا انـتهـت بـي حياتي لا تحرمي نفسـك وعيشي كما الغـير عــيـشي حـيــاتك واذكـري ذكرياتي واتبـسّمي للغـيـم واحكي مع الطير تـذكّـري حـبّـي وكـلّ امنـيـــاتـي وتــوسّدي ذكراي واحلا الـتصاويـر لا تتركـي للهمّ صــدرٍ ســواتـي لا تخضعـي للحـزن فـي غـبّة الـبـير ولا تحسبيـنـي خـايـفٍ مـن مماتــي خايف عليك انتي اذا متّ شيصير!! [/ALIGN][/CELL][/TABLE1][/ALIGN] |
كافي زعل
[align=CENTER][table1="width:80%;background-color:black;"][cell="filter:;"][align=center] https://1.bp.blogspot.com/_u_Xy-uFk3-...bekliyorum.jpg ملّيـت طول الإنتظار وحشرجة صوتي الجريح ملّيت مـن نفسي وملّ الشوق من كـثر السؤال اليوم انا وحدي هنا مـا بـين صمتي والضريح ساكت واناظر صاحـبي وشلون راح ولا يـزال واقف بشـبّاك الأمل ارسم بـوسط الليل ريـح! واكتب تراتيل الهـوى في زُمرة الصبح المحال انـظم خـيوط الهاربه! واسامر البخت الشحيح واتخيّل انّه يلتفت ويحنّ لـي لـو هـو خـيال كثير اشوفه وابتسم واحضن سرابه ثـمّّ اطـيح كثير يحكي واسمعه واحكي معه فـي كـلّ حال جنون .. جن وجنّ بي .. وجنون جنّنته يصيح من كثر نوحه ناح بي واصبح ينادي لي تعال! هزمت من صمتي مداين وانهزم فيني صحيح! وفآق صوتي في ضجيج وضجّني في كل جالّ . [/align][/cell][/table1][/align] |
قالوا يخونك
[align=CENTER][table1="width:70%;background-color:darkred;border:4px solid black;"][cell="filter:;"][align=center]
[align=CENTER][table1="width:70%;background-color:black;"][cell="filter:;"][align=center] كـــــلّ مـاقــالــوا كــــــلام ٍ صــدّقــيــه وكـــــل مـاقــالــوا يـخــونــك صـــدّقـــي بـــانــت الـصــــوره وصـدّقـتـــي سـفـيــــه خـوّنــونــي يـــــوم انـــــا قـلــبــي نــقـــي يــــوم جـيـتــي تسـألـيـنـي لــيـــه لــيـــه انـصــــدمـت ومــــابـقـى حـكــي وبـقــي مـاقــدرت انـطـــــق وقـلـبــــي تـحـرقـيـه مــاتــوقّـعتـك لـقــلبـــي تــــحـرقــي لـيــه طــــاوعـتـي ظـنـــونـك تـيــــه تــيــه تـهـــــت انـــا ويّــــــاك وانـتــي تـشــــهـقـي انـعــقــد حــتـــى لــســانــي وارتــجــيــه يـنـطــــق بكـلـمـــــه بـوجـهـــــك واســــتـقــي وقـتــهــــــا ودّي بــحــــــرف ٍ أشـتــــــريــه ودّي آقـــــــول الـحـقــيــقــــــــة وارفــــــقــي ميــــــر جرحـــــــك ماقـــــدرت اقــــوى عليــــه صــــابـــــني في مقتــــــــل وصـــــــــاح الشـــقـي صــــاح قــلـــب ٍ كـــــان ودّه تسعــــديــــه وانـتـهيــــنـــــا ... بـبتعــــــد لا تـلــحــقـــــي لا تـهـــــلّـي دمـــــــع وش لــــــه تسـكـبـيـــــه مــــــابـقــى بـالـعـمـــر شــيّ وتـعـشـــــقــي احــفــــري قــبـــر ٍ لـقـلـبــــــك وادفـنــيــــــه وادفـنــي ذكـــــــرى غــــــــرامي واغـــــرقـي مــــابــقى فينـــــي ! من احســـاسي ابيــه مـــقـــدر اتــحــمّــل عـــذابــــك اتّـــقــــي [/align][/cell][/table1][/align][/align][/cell][/table1][/align] |
ذيل معووج
[align=CENTER][table1="width:80%;background-color:black;border:9px ridge coral;"][cell="filter:;"][align=center]
لا بارك الله فيك ياوقت ٍ جمعنا بالرخوم اللي تجمّعهم مره واللي تفرّقهم مره ان جات له حرمه يفزّ ومن على الدنيا يقوم وان جيت له مثل النعامه دسّ راسٍ مصغره عز الله انّه ما يساوي ربع ظفرٍ عند قوم الناس تعرف قيمته ماهو بكفو وتعذره ماهمّنا قوله ولا هو كفو في قول العلوم واللي يدوّر للمشاكل نفركه مثل ابعره لنّه ضعيف النفس مايعرف لعادات وسلوم مايعرف الاّ الشكشكه يوم الغواني تشكره والبارحه يو اجتمعنا مادريت انه يسوم ساوم بربعه لجل عين البنت .. قامت تنهره الله يخسّه لو دريت انّه كذا مآجيه يوم بيّاع ربعه عاشق الزينات عاشق مصخره والله لو لا هالرفاقه لكتب ابيات ٍ سهوم وامسك براسه واعفره ثمّ اعفره ثمّ اعفره خلّوه دام انّه كذا خلّوه في غيّه يعوم [/align][/cell][/table1][/align]ماينعدل ذيل ٍ معوّج لو عدلته تكسره . |
غيبوبة
[align=CENTER][table1="width:80%;background-color:black;border:8px ridge skyblue;"][cell="filter:;"][align=center]
في صحوة احلامي وغيبوبة العقـل بديت احسّ اني عن الأرض غايـب اطرد ورى طفلٍ سرى به دفا الوصل متعلّي ٍ فـوق الهـوى والسحايـب بين السما والارض متعلّـق الطفـل وبيني وبين الطفل نـاس وطلايـب لا جيت بنزل قال ماتعـرف العـدل وشلون تتركنـي بوسـط النشايـب واعوّد ارضخ له ولا ينهـدم شمـل مقدر على فرقـاه رغـم الصعايـب مالي بغيره لو بقى الناس في جهـل لا يمكن ارجع تالي الوقـت خايـب مادام همس القلـب يـزداد بالنهـل بنهل من اعذب عذب بين الغبايـب واشرب من الصافي وابادله بالجزل واملا عيونه لجـل نبقـى حبايـب هذا الوليف اللي عليه اقفـل القفـل آخر حبيـب وبعـدْه آكـون تايـب من زود حلوه يجتمع حولـه النحـل ومن زود ملحه صاير القلب ذايـب يكفيني انظر فيه واشبـع بـلا فعـل [/align][/cell][/table1][/align]ويكفيني احلم فيـه والعقـل غايـب . |
ودعتني
[align=CENTER][table1="width:80%;background-color:black;border:10px double orange;"][cell="filter:;"][align=center]
ودّعـتـنــي امــــس قــالــت لـــــي بـســافــر واشـهـقـت والـعـيـن مـــن فـرقــاي تـبـكـي قـالــت اسمـحـنـي تـــرى بـــآروح بــاكــر غـصـب عـنّـي رايـحـه والــروح تشـكـي صوتـهـا المـبـحـوح وآهـــات المـحـاجـر ارهـقــتــنــي قـــلت مـاتــحــمّــل تـعــبكي قـلـت كـيـف اقــوى تــرى مـانـي بـقــادر مـــــن يـواسـيـنــي إذا رحــتي ويــحكي مــن يصبّـرنـي عـلــى فـرقــا المـشـاعـر مـن اضمّـه واشبـكـه فالـصـدر شبـكـي مــن يــداوي جــرح مـن فـرقاك كـافــر انقسـم ظهـري .. فركـت ايـديّ فركـي كيـف اســوّي كــان حـظـي دوم عـاثـر يـوم لاقـيتك لــفـى الـبــعــد ونـهـبــكي ميـر انـا بصـبـر عـلـى الفـرقـا واكـابـر بنـتـظـر رجـعـتـك لـو طـالت وبـتـكي بـالـوفـا نـبـقـى وانـــا لـك دوم حــاضر نــارنا حــيّـه وشــبّـي لـــي حـطـبــكي كـــان لي خــاطر ترى لك ألف خـــاطر مـآحــدٍ بـالارض يــاروحــي وصلـكي حـــبــــك بـقلبي تـــرى والله طـاهــر مـــا تـدنّس حـبّ فـــي قلبـي بـعثكي بذكـرك وانـطـر رجـوعـك لــي واسـامـر كـلّ ذكرانا وتبقي لــــــي وحْـــدْكـــي [/align][/cell][/table1][/align] |
ارتجالي
[ALIGN=CENTER][TABLE1="width:70%;background-color:black;"][CELL="filter:;"][ALIGN=center] https://photo.bdr130.net/files/file/p...8%B3%D9%89.jpg يابنـــت لــو لا الـحــب ماجـيـت اراضـيـــــك ولا كــتــبـــت الــشــعـــر فــــيك ارتــجـــالي مــجــنــون حـــبـــك لــو تـقـولــيـن مــابــيك عــــايـــــش بـــذكـــرانـــا وذيـــك اللــيـــالي اغــلــيـــك انــا يــابـــنـــت والله وشـاريــــك لـو قلتـي ابعـــد جيــــــت .. مــدري بحالـي اجــيـــك كــلّـــي شــــوق مــابــيــن ايـــاديك ســوّي بـقــلــبــي مـا بـغــيــتــي حــيــالـــي كــلّي حــلالـــك هـــات مـــــرّك وحــالــيــك اسـقـيــنــي الـعـلــقــم وانــــا آقــول حـالـي ( بصـرك ) حيــــاتـي وادعـي الله يخلّيـــك ويـــحـــنّ قــلــبـك لي ويـــرجــــع لــغــالـي مشـتـاق لعيـونـك وصـوتــــك وانــا ادعـيـك يـــومـك بــقــربي مــالــكه كــــلّ مــــالــــي ودّي اشـــوفـــك حـلوتي وانـــدفـــن فـــيـــك واشــــــــوف زولــــــــك يــاحياتي قـــبـالـي يـالـلــي عـيـونــك تـسـحــر الــلــي يـبـاريك ورمـــوش عــيــنــك والــجفن كـالـهــلالــي وخــــدودك الــلي مــن حــلاهـــا تـهـنّـيــك تـفــاحــتــيــن ن حــــمر يـا هـــمّـــلالــــي والـشـعــر مــوجــه فـــوق خــدّك يـحـيّـيــك ويـزيــد زيــنــك زيــــن عــنــق ٍ بـــدا لــــي لا مــــن خـجــــلـتـي ذاب قــلــب ٍ يـلـبّـيـــك واذوب كـــلّـــي بـــيـــن صــــدق وخــيالـــي وان ابـتـسـمـتـي حــبّـــة الــخـــال تـعـطـيــك احـــلا وصـــوف الـزيــن واحـــلا جـمــالــي فــيـــك الـــحلا الــوان والــــــرب مــهــديــك اوصـــاف حــــور ٍ من جنــــان ٍ عـــــــوالي . [/ALIGN][/CELL][/TABLE1][/ALIGN] |
خليني على صدرك
[ALIGN=CENTER][TABLE1="width:80%;background-color:black;border:10px groove orange;"][CELL="filter:;"][ALIGN=center] https://img.alibaba.com/photo/4974652...r_Keychain.jpg بالله خلّـيـنـي عـلــى صــــدرك ارتــــاح تعـبـت مـــن طـــول الـسـهـر والـشـقـاوه كـــم لــي اشــيــل الهمّ والــهــمّ ذبّـاح مـلّــيــت طـعنــات الهوى والــقــســاوه يـابـنـت ضمّـيـنـي تـرى الـهــمّ يــنـزاح واســـقـي فـؤاد الـمـعـتــنــي بــالهداوه من يوم ما شفتــــك وطير السعــــــد لاح وتـبـسّـمــت دنــيـا شــقـاي ابـصـخـاوه مــاراح مــن عـمـري ولا شــيّ مـاراح دامـي لـقـيــت ابـجـيّـتـك لـي غـــلاوه نسـيـت مــن لقـيـاك شــرّي والاشـباح نسـيـت فــي حضـنـك سنـيـن الـخـزاوه ارتـاح قلـب ٍ قـبـل جيّـتـك كــم نــاح حسّـيـت طـعـم ٍ غـيــر كـلّــه حـلاوه ان كان حظي قبل لقيــــاك بي طــاح اليوم قــام الـحظ بـــعـد العــداوه هاتـي يدينـك دام عطـر الهـوى فـاح وش عـاد بـــاقي ننتظــر يـانــداوه سلّـمـت قـلـب ٍ فـيـه ضبّه ومـفـتـاح بــيـــديـــك ياكلّ الـحلا والطــــراوه بالله خلّـيـنـي عـلــى صـدرك ارتــاح تعـبـت من طـول الـسـهـر والـشقاوه . [/ALIGN][/CELL][/TABLE1][/ALIGN] |
تصدقيني
[ALIGN=CENTER][TABLE1="width:80%;background-color:black;"][CELL="filter:;"][ALIGN=center] https://files.mothhelah.com/img/OzH67892.jpg تصدّقيني ما ابيك ومـا ابـي قربـك وابيـك وتصدّقين اني ابيك ومـا ابـي بعـدك وابيـه احترت يوم انّك بقربي ما ابي لمسـة يديـك ابعد كما المجنون منّك واشتري البعد اشتريـه واحترت يومي في غيابك صرت انا اوله عليك تبعثر التفكير فينـي والعقـل صايـر سفيـه مهزوز كلّي في غيابـك والحنايـا ترتجيـك مشتاق لك شوق الصحاري للمطر لو تعرفيـه يابنت انا قلبي تعب ودّه مـن التعبـه يجيـك ودّه يسولف عن غيابك وش حصل فيني وفيه مقهور كيف البعد خلاّني من الشوق اشتهيـك وانتي من اوّل في يديني والوصل ما اشتهيـه واليـوم لا والله احبّـك والغـلا منّـك وفيـك ندمت في بعدك وحالي يشفق القاسـي عليـه تعالي انعيد الليالـي واللـي يرحـم والديـك واوعدك مادوّر لبعدك والوصـل دوم ارتجيـه وتصدّقين اني ابيك وما ابـي بعـدك وابيـك وتصدّقين اني ببعـدك دايمـا ً قربـك ابيـه . [/ALIGN][/CELL][/TABLE1][/ALIGN] |
خاين زمانه
[align=CENTER][table1="width:70%;background-color:skyblue;border:7px ridge red;"][cell="filter:;"][align=center] https://4a.img.v4.skyrock.net/0138/67...19360284_1.jpg لقيتي عذر من أجل الخيانه وخنتيني وعذرك مو محلّه . . حكيتي إنّني خاين زمانه وقلتي للبشر هذي الأدلّه . . يكلّم من ورى ظهري فلانه ويكتب شعر في ورده وفلّه . . وانا اقسمت باللي جلّ شانه ترى ماخنت والله ثمّ والله . . ولكن صارت افكارك لعانه ولؤمك جاب فيك العيد حلّه . . تظنّين الغلا لعب وشطانه وسيف ٍ للذي يقدر يسلّه . . ولكن طاح قدرك من مكانه وضيّعتي الغلا والحب كلّه . . خسرتي حبّ قلبي للأمانه وانا قبل الخيانه ما أملّه [/align][/cell][/table1][/align] |
احبك موت
[ALIGN=CENTER][TABLE1="width:80%;background-color:black;border:8px groove skyblue;"][CELL="filter:;"][ALIGN=center] https://blogs-static.maktoob.com/user...1220049186.jpg انا راحل عن عيونك وابيك بكلمتين صغـار إلى من ضاقت احوالك تذكّرنـي ورددهـا ( احبك موت ) رددها بقلبك تنبت الازهـار (احبك موت) معناها حياتي فيـك مولدهـا تذكّرهـا وتلقانـي بقلبـك كلّمـا تحـتـار تلاقيني مع اطيافي بـروحٍ كنـت تجهدهـا بسافر يابعد عمري طويله سكّـة المشـوار تركت القلب بيدينك وروحي معـك بفقدهـا لك الذكرى تناديني ويحرقني لهيـب النـار ولكن خطوتي ترفض رجوعي لو أعاندهـا انا مكسور في نفسي وخلّيت الجروح اسرار أبآخذها مع اغراضي وبرحل قبل تشهدهـا صحيح ان الحزن قاسي ولكن ماتفيد اعـذار كبرنا عن طفولتنـا ووقـتٍ كـان يسعدهـا خلاص اليوم ودّعنا زمان وباقـي التذكـار تسلّينـا بوحدتنـا ونسلـى فـي مشاهدهـا دخيلك لابكت عينك وهلّت دمعهـا مـدرار ترى روحي مناديلك تكفكف دمـع يوقدهـا [/ALIGN] [/CELL][/TABLE1][/ALIGN] |
كسر خاطر
[ALIGN=CENTER][TABLE1="width:80%;background-color:black;border:8px inset darkred;"][CELL="filter:;"][ALIGN=center] https://farm6.staticflickr.com/5124/5...44983260_z.jpg صحيح انا انسان محتاج انسان فاقد حنان وحالتي ( كسر خاطر ) اكتب على الغيمه سواليف الاحزان ويضيق صدر الغيم من حزن شاعر ويهلّ دمع الحزن هتان هتان يشفق عليّه يدري الهمّ كافر أنا الوحيد اللي عثت فيه الازمان مالي سوى دمعه ولي حظ عاثر مكسور في نفسي وعايش بحرمان محروم حتى من لذيذ المشاعر محدٍ درى عنّي ولو كان ما كان اكتم بصدري وانطعن بالخناجر واليوم جيت احكي وفالقلب بركان ماعاد فيني صبر كم عشت صابر ان ابستم لي الحض جرّيت الالحان وان عاندت دنياي بنسى واكابر يامن يجي يسمع ونيني والاشجان ويضمّني ضمّة حبيبٍ مسافر يامن يجيني قبل لفي فالاكفان ويحسّ بي قبل اندفن فالمقابر احتاج لي بسمه يتيمه على شان مآموت قبل افرح بلحظه واغادر وصلت حدّ اليأس واليأس عنوان ملّيت من نفسي ولا آبيه باكر والله انا انسان محتاج انسان فاقد حنان وحالتي ( كسر خاطر ) [/ALIGN][/CELL][/TABLE1][/ALIGN] |
البراقع
[align=CENTER][table1="width:80%;background-color:black;"][cell="filter:;"][align=center]
جيتكم بشكي وحالـي فيـه حـال قصّتي قِصّه وطرفـي مـا يبـات قبل مدّه رحت في سوق الشمـال ودّي اشري لي شماغ ومرفقـات يوم جيت السوق شفت احلى غزال واقفٍ بيـن الجمـوع الناطـرات اشّر بطرفه وقـال اقـرب تعـال قلـت يالله طالـبٍ منـك الثبـات لابـسٍ برقـع وبجفونـه ظـلال في عيونه سحر وبرمشـه سمـاة حاجبينـه مثـل تقويـس الهـلال وجنتينـه حمـر توهـن يافعـات ناظر بعينـه يميـنٍ فـي شمـال قال هات الرقم سرعه هات هـات قلت هاك الرقم يا سيـد الجمـال واحذر عيـونٍ تناظـر حاسـدات ثـمّ قفـى والنظـر يمّـه تـوال واثق الخطـوه ومشـدود العبـاة احتريت ايّام مـا جانـي اتصـال طال صبري والهواجس حاضرات صرت احسّب إحتمـال وإحتمـال ضاع منه الرقم والاّ الزين مـات اتصل فيني عقـب شهـرٍ وقـال انت خالد قلت هاتي لي الصفـات قال شفتك قبل فتره فـي الشمـال مير ظرفـي ماسمحلـي والحيـاة قلـت حـيّ الله حبّـاس الـدلال ياهلا والفيـن مرحـب ياغنـات قلت شسمـك يامذوّقنـي الهـوال ردّ لي بضحكه وقال اسمي نجـاة قلت اشوفك؟ قال لا هـذا محـال خلّ عندك صبر وابشـر بالعطـاة قلت نصبر دام فالصبـر اعتـدال ودّي بشوفـة عيـونٍ ساحـرات واستمر الصبـر لشهـورٍ طـوال والوصوف الّي تجيني مدهشـات قال زيني مـا تلاقـي لـه مثـال لو تلف الأرض مـا مثلـي فتـاة زاد فيني الشوق واكثرت السـؤال والنظر محروم وش هذي السـواة ثمّ جا الموعد عقب طول احتمـال من ثلاث سنين واحلامـي شتـات يوم شفته صابنـي مثـل الهبـال لا خـدود ولا جمـال ولا شفـاة انصدمـت وقلـت يالله فالحـلال قبل لا تغـدي بنـا الدنيـا فتـات اثـر هالبرقـع عـذابٍ يارجـال زيّـن الشينـه وحنـا فـي غنـاة خلّوا المستور والّـي فـي كمـال [/align][/cell][/table1][/align]وبطلوا لبس البراقـع يـا بنـات |
الضما
[ALIGN=CENTER][TABLE1="width:80%;background-color:black;"][CELL="filter:;"][ALIGN=center] https://up.albrari.com/uploads/13597623601.jpg يجيني شوق مدري وش يجيبه ويدعيني بتالي الليل داعي واسولف عنك واحلم بك قريبه ويفضح لهفتي زود اندفاعي سرقني الوقت من دنيا غريبه وجيتك روح في عصر الضياعي اهلّي بك وانادي ياحبيبه واعطّر صيحتي وافرد ذراعي واشوفك وردتي بارضٍ رحيبه وحيده في سكوني واجتماعي تعالي لملمي اجروحٍ عجيبه وهزّي الشوق يمطر لك بساعي تعالي واسقي الروح العطيبه تجرّعني الضما شرّ اجتراعي انا روحي من الدنيا صويبه وطول الوقت وآنا في نزاعي لقيتك في زمن ياكبر عيبه كُثر فيه التمرّد والخداعي وانا خايف تصيب الروح خيبه واضيّع مركبي ويّا شراعي طبيبه وادري انك لي طبيبه ترى هذا شعوري وانطباعي حقيقة قلب ما حيٍّ دري به يحبّك بسّ ! خايف ما تراعي [/ALIGN] [/CELL][/TABLE1][/ALIGN] |
اذكريني
[align=CENTER][table1="width:80%;background-color:orangered;border:10px solid black;"][cell="filter:;"][align=center] https://www.kraassi.com/images/fa_ch_29_17.jpg كسر روحي مو مثل كسر العظام تبطي اسنين العمر ماتجبره مابكيتك يازماني من عدام شقق الخافق جروح ومجزره وسط قلبي نار وبعيني ظلام عيشتي قشرا وفيها دهوره من ذنوبي انحرم حتى المنام كلّي اوهامٍ وكلّي بعثره ليت دمعي مافضحني والهيام ولا غمستك يالقلم في المحبره برحل الليله قبل مانهي الكلام بترك الكلمات عندك تذكره اذكريني لا انقضت عشرين عام واذكري حبٍ قدرنا نهجره صرت انا الظالم بعينك ياحرام ليه انا المجرم وحبي اغدره؟ لاتناديني بدعوى الاتهام جعل قلبٍ خان بيدي اقبره الندم مكتوب في كف انتقام والزمن عثره تقابلها اعثره ان قدرتي تكتبي كلمة غرام اكتبيها واذرفي معها اعبره وان نسيتيني وسط دنيا الزحام طالعيني في زوايا المنظره بحرق اوراقي ولك كل احترام هذا انا راحل ومنك المعذره [/align][/cell][/table1][/align] |
فندق سياحي
[ALIGN=CENTER][TABLE1="width:80%;background-color:coral;border:10px groove green;"][CELL="filter:;"][ALIGN=center] https://up.graaam.com/img/c3c071bf0b1...e134588912.jpg مانيب انا يابنت وآصرّّ ما نيب مجنون حُب ولا من الحُب صاحي ملعون قلبي بين شرقٍ وتغريب يعشق بدون انذار فندق سياحي وان جيت احدّه قال لي مابها عيب الحب نعمه وانت مالك صلاحي ما يدري ان الحُب ورّاني الشيب لا جاب لي راحه ولا هو استراحي مافادني صدقي ولافادني الطيب ولا ذقت انا والقلب غير الجراحي رغم التعب؟يامرحبا الف ترحيب يآمر عليّ القلب وامره مُباحي دامك وصلتي فقطعي الشك والريب قلبك دليلك وآنا قلبي سلاحي هاتك معي للعشق من غير تحسيب وجب علينا حب صافي القراحي لا تسألي عن ماضيٍ فيه تعذيب اليوم حنّا والّذي راح راحي بديت معك اليوم من دون ترتيب بشغل بك افكاري وخلوة بِراحي بجننك فيني ولا عنك تجنيب ولا ترتجين اليوم مني سماحي يا آخر احبابي وياريحة الطيب انتي الأخيره واسكني في جناحي [/ALIGN][/CELL][/TABLE1][/ALIGN] |
ارحلي
[align=CENTER][table1="width:80%;background-color:black;border:10px groove red;"][cell="filter:;"][/cell][/table1][/align][align=CENTER][table1="width:80%;background-color:black;border:10px groove red;"][cell="filter:;"][align=center]
لو عرفتي شي فينـي ماتركتينـي وحيـد لو دريتي وش بقلبي كـان جيتـي عانيـه كان ودك تعرفيني فسمعي نبـض الوريـد امسكي بكفك عظامي والجـروح العاريـه آه ياحزن الصحاري زيد في قلبي وزيـد احرق الغاب الحزينه والغصون الظاميـه موت ياحبٍ زرعته موت في صدري شهيد قبرك القلب وترابك من ضلوعي الحانيـه خلّني المس وجودك منت في قلبـي فقيـد الشهيد إيعيـش دايـم فـي جنـانٍ عاليـه غطرفي سود الليالي وانشدي بحلا نشيـد واقلبي الظلمات نـورٍ وارحلـي ياقاسيـه ما يهمّ آعيش قربك..مايهـم ابقـى بعيـد مايهمّ انـك تكونـي فـي حياتـي باقيـه المهم الحب يبقى امّـا غيـره مـا نريـد ما أريد احساس ميّت في قلـوبٍ خاويـه ارحلي وش عاد باقي تسمعينه؟ ثـمّ اعيـد ارحلي مامات حبّـك لكـن انتـي؟ فانيـه اذرفي للشوق عبره وانظمي فيهـا قصيـد واحرقي بيض الرسايل بالدموع الكاويـه انكسر ضعفي وصاحت قسوتي وين الجليد وارتفع صوتي ونـادى للعيـون الباكيـه جمّدي نهر العواطف وافرحي ذاليوم عيـد مات كلّ الشوق يمّـه والمشاعـر خاليـه [/align][/cell][/table1][/align] |
لا صبّح ولا مسّا
[align=CENTER][table1="width:80%;background-color:black;border:10px groove silver;"][cell="filter:;"][align=center]
https://www.6october.info/forum/imgca...tober.info.jpg وش حاله اللي نساني بين أصحابه لا ما ذكرني ولا صبّح ولا مسّـا قولوا له انّي ذرفت الدمع بسبابه قولوا له اشلون صبّر قلبه وقسّا من امس غايب ولا جا صوب احبابه مدري نسى العهد والاّ العهد به لسّى الباب صكّه وانا واقف على بابه ماحسّ كسر الخواطر ليه ما حسّا قال انتظرني وطوّل حيل بغيابه شكّيت بنّه يقيس النبض ويجسّا يبي يشوف الغلا واللي تهقوا به ويشوف حبّ ٍ بناه وداخلي رسّا ادري بحبّه وانا اقرب من اقرابه لو دسّ حبّي ترا والله ما دسّا يبين حبّي بعينه لو كتم ما به اقرا عيونه واشوف الشوق وآعسّا لكنّ غايب وكثروا حوله اصحابه لا ماذكرني ولا صبّح ولا مسّا [/align][/cell][/table1][/align] |
غلطة البارح
[align=CENTER][table1="width:80%;background-color:black;"][cell="filter:;"][align=center]
https://up.albrari.com/uploads/13597677321.jpg الله يغفر ذنوب الناس ويسامح واحنا بشر كيف ما نسمح خطايانا اخطيت وادري خطايه قاسي وجارح نصيبي اخطي نصيبي جاب فرقانا ماكنت قاصد ولكن حظي الطايح مكتوب فرقاك بسّ الوقت منّانا لو كنت داري عواقب غلطة البارح ما كان صارت ولا شفناه ماجانا والله ما كان قصدي جرحك الذابح ياليت موتي خذاني قبل بلوانا ياعين هلّي دموعك صاحبك رايح خلاص راح الحبيب وغاب وابكانا ماعاد للعذر عذرٍ والخطا واضح وماعاد للوجه رجعه بعد حقرانا ياوين برحل وبالي بالخوي سارح لا قادر انسى ولاني قدّ ذكرانا ياحرّ قلبي على عمر الشقى الطالح وش عاد باقي بهالدنيا تحدّانا كل شيّ ضدّي نبح فالوجه لي نابح تكالبت دنيتي وانهدّ مرسانا حتى انا ضدّ نفسي والهنا شابح شبح عليّ الزمن واسودّت اوطانا دمّرت كلّي وانا في غفلتي سابح واليوم اشوف الزمن ياوين ودّانا شيّبت واسمع شبابي بالندم نايح ويضجّني حزني الطاغي ويرثانا [/align][/cell][/table1][/align] |
ماني بصاحي
[ALIGN=CENTER][TABLE1="width:80%;background-color:black;border:8px groove tomato;"][CELL="filter:;"][ALIGN=center] https://im15.gulfup.com/2012-09-18/1347991147135.jpg الـبـارحــه مــانــي بـصـاحــي وابــــد مــــا نـــــي بـمـجـنــون والـنــوم مــــن عـيـنــي ســــرى مــــا تـهـنّــت بــــه عـيـونــي صحيت من ناس ٍ على طرق مسحوب ٍ يغنّون وازريــت حـالـي يـــوم شـفــت الـغـضـي جـــرّ اللـحـونـي سمعـت صوتـه يــوم يضـحـك ويتـهـادى عـلـى الـهـون لــلــحــيــن نــغــمــاتــه صــــداهـــــا بــســمــعـــي يــطــربــونـــي صوتـه شـلـع روحــي وحكـيـه درر مــا يـعـرف الــدون ذوّب خـفـوقــي عــطــر الانــفــاس واسـتــشــرى بـكــونــي واليوم جيت اكتـب قصيـدي علـى طـرق ابـن لعبـون بــهــديــه لـــلـــي مــــــادرى وش تــخــبّـــي لـــــــه شــجــونـــي ذاك الــلــذي مـــــن يـــــوم يــومـــه وقـلــبــي فــيـــه مـفــتــون مـــن يــــوم جــانــي فــــي بــريــد الــهــوى يــشــرح فـنـونــي جــانــي وانــــا ســـــارح ولاهـــــي مـــــع ربـــــع ٍ يـســلّــون واشـــغـــل فــــــوادي بـالـمـحـبّــه وسِـــبْـــت الـــلــــي يــبــونـــي شـقّـيـت لـــه صـــدري وبـآقــول لـــه عـــن ســـرّ مـكـنــون يـــامــــا تــمــنّـــى غـــيــــره الـــبــــوح لـــكــــن مــــــــا ســبـــونـــي مـــآريـــد غـــيـــره لــــــو يـجـيــنــي بـــدالـــه ألــــــف مـــزيـــون الـقـلـب يــهــوى واحــــد ٍ لــــو عـطـونــي مــــا عـطـونــي والــيــوم انــــا مــانــي بـصـاحــي واكــيــد الــيــوم مـجـنــون والـنــوم مــــن عـيـنــي ســــرى مــــا تـهـنّــت بــــه عـيـونــي [/ALIGN][/CELL][/TABLE1][/ALIGN] |
اعشقيني
[align=CENTER][table1="width:80%;background-color:black;border:6px groove red;"][cell="filter:;"][align=center] https://www.3deeel.com/upload/uploads...66e453ef40.jpg كثر ماقلتي احبـك اقسـم انـي مارتويـت مارتوي من نبع حبك وبوصالك ما اتـوب انتي اول حب عشته وآنا من يومك حييـت كنت ضايع قبل اعرفك كل صفحاتي ذنوب ماحناني الشوق قبلك بس انا منك انحنيـت واعترفلك ان قلبك ماتجـي منـه العيـوب لك حياتي ياحياتي وين مارحـت ومشيـت لك عيونٍ ماتغمّض لادنى وقـت الغـروب اعشقيني عشق حاظر واعشقيني لا سريت اعشقي رملٍ وطيته ماتزحزحـه الهبـوب اعشقيني في خيالك في سكونـك والمبيـت ذوّبيني وسط ثغرك واتركي الحلوى تـذوب اشربيني شرب ضامي ميتٍ فالحـب ميـت اغرسيني في عروقك فوق صدرك والجنوب ناوليني من زلالك من مزونك لا اشتهيـت اروي اغصانٍ تدلّت من جبينـك للكعـوب بعثريني لا نويتي واجمعيني لـو! شكيـت اسجنيني وسط قلبك واحرمي كـلّ القلـوب انشديني عن حياتي عن زمانٍ بـه ربيـت وان سألتي عن دياري آنا من أهل الجنوب [/align][/cell][/table1][/align] |
لو بيدي
[align=CENTER][table1="width:80%;background-color:black;border:10px groove skyblue;"][cell="filter:;"][align=center]
لو بيدي ما تركت احبـاب قلبـي لـو دقيقـه بس حظي والقدر والنـاس والأحـلام ضـدي كل شيٍّ في حياتي كـذب مـا مـسّ الحقيقـه وكل دمعه في عيونـي مـا تطيـح إلاّ بخـدي ما لقيت انسان وافـي يمسـح الدمـع ويعيقـه وما خبرت الحب كلمه فـي شفايفهـا وتعـدي ليت حبي ما عرفني ولا عرف قلبـي طريقـه بس لي قلبٍ عنـادي ويـن مـا يبغـى يـودي ساقني في بحر غامض غصت وجروحي عميقه اشرع بجهدي واصارع كـل امـواج التحـدي ياشروق الشمس وينك اشرقـي ليلـي ماطيقـه احرقي شمع المحبه وافضحي سـري وسـدي وش بيدي دام قلبي ما عـرف منهـو عشيقـه والوجوه الّي تقلّـب يـوم تبعـد يـوم حـدي والصديق الّي عرفته مـا درى منهـو صديقـه باعني في وقت حاجه واحزم امتاعـه وشـدي [/align][/cell][/table1][/align] |
عذر المصلّي
[align=CENTER][table1="width:80%;background-color:silver;border:10px groove black;"][cell="filter:;"][align=center] https://2.bp.blogspot.com/-bBjVrr_CXQ...%81%D8%B11.jpg خلّي الخواطر لعنبوها الخواطر اقسي وخلّي كلّ خاطـر يولّـي ولا تحسبي للي صدق بالمشاعر ارميه لهمومـه وخلّيـه خلّـي وان كان كابر من فراقك وكابر يكذب ودمعه فوق خـدّه يهلّـي الروح بعدك واصلـه للحناجـر ريقه نشف ويتلّ بالحكـي تلّـي واليوم خلّك ودّعك راح سافـر ترك لك الراحه وخذ جرحه اللي اللي ذبح قلبه وسـوّاه شاعـر يكتب حروفه وبجروحك يحلّـي مع السلامه راح خلّك وهاجـر ماباقي الاّ حرفه اللـي يسلّـي وان جاز لك ذكراه في يوم باكر خلّيه ذكرى فوق صدرك تعلّـي وان مات لا تنسين حزن المقابر ابكي على موته وبالدمـع بلّـي بلّي خدودك وامسحي دمع عاذر عذرك وكان ابحق عذرالمصلّي اللي ترك فرضه ولا هو بكافـر نسى صلاته مادرى انّه مُخلّـي [/align][/cell][/table1][/align] |
صبح الاذى
[ALIGN=CENTER][TABLE1="width:80%;background-color:black;border:8px inset silver;"][CELL="filter:;"][ALIGN=center] https://up.graaam.com/uploads/imag-6/...5975fb6f4f.png يامساء الحزن يا صبح الأذى ياتعب قلبٍ سرى ليله ينوح من عذابي قمت أهذّي به هِذا ذاك يالّي ماليٍّ قلبي جروح خذ حياتي وش بقى ماهو خذا استحلّ الروح وين اغدي واروح وين ابرحل دام هو فيني كذا شيٍّ إمن الله ولا عنّه نزوح إن هجرته ؟ جا يراضيني واذا جيت قربه؟ مالقيت إلاّ الشحوح يبخل ابحبّه وملحه والشذا ويتكبّر لين حطّم بي طموح وان سألني ليه تعشقني وذا؟ قلت مدري ماني ابقادر ابوح خايفٍ يزعل لأنّه هــــــكذا يخلق الزعله ولو حكيي مزوح صابرٍ والله واتحمّل أذى من سكن قلبي ويهديني الجروح [/ALIGN][/CELL][/TABLE1][/ALIGN] |
مجنون
[ALIGN=CENTER][TABLE1="width:80%;background-color:black;border:10px groove coral;"][CELL="filter:;"][ALIGN=center]
https://up.albrari.com/uploads/13598508731.jpg مجنون قالوها ونا صـدق مجنـون مجنون والعالم تخـاف المجانيـن ماخاف من حكيٍ ولا زيف وظنون مجنون.. عاقل ..راجحٍ.. لا تخافين اوزن بلد والقول واضح ومـوزون هرجي قليلٍ ماني مثـل الكثيريـن اليا حكيت الكـل حولـي يسجّـون واليا سكت الكل يسأل كـذا سيـن! هم يحسبوني من مفارقك محـزون وآنـا وربـي ماحسبـت الثعابيـن يتقنّصوا الفرصه لاجل بك يفوزون يتمنوا اهدابـك وطلـع البساتيـن يحكـون عنـي بالقفـا ويتمـادون واليا حضرت الله يازينهـم زيـن ياما نصحتك خلي السـر مكنـون وياما عذرتك لكـن انتـي تماديـن واليوم جيتي دمعتـك لونهـا لـون وتعاتبيني من متـى بـي تحسيـن كنّي انا الغلطان ولعهدنـا آخـون تبيني ارضى وانتي الـي تخونيـن ماني بخسـرانٍ ولانـي بمديـون ربحان وانتـي للخسايـر تعديـن روحي لأ يّا درب ياكبر ذا الكـون لاترجعي طحتي من القلب والعيـن يابنت انـا مجنـون والله مجنـون والله ما ادمح لك خيانـة مجانيـن [/ALIGN] [/CELL][/TABLE1][/ALIGN] |
تكرهيني
[ALIGN=CENTER][TABLE1="width:80%;background-color:black;border:10px ridge silver;"][CELL="filter:;"][ALIGN=center] https://missqueen1quinko.files.wordpr...ybrat15211.jpg تكرهيني صـدق والاّ تجهليهـا كلمتك يابنت تجرح بالمشاعـر اجرحيني شي عادي واسحبيهـا قولي اني ماكرهتك وانت خابر من خجل كلمة احبك تعكسيهـا نعنبو حيّك بصير اليوم شاعـر بكتب الابيات يالّـي تعشقيهـا واحرق اوراقي مع كل الخواطر قلت احبك والف غيرك تحتريها احذري قلبي ترى طبعه يغامـر انصحك كلمتك هـذي عدّليهـا قبل ما نقسى ونكسر بالخواطر للدّلع اوقـات وانتـي تعرفيهـا في توالي الليل احكيلك واسامر دوّري كلمـة احبـك دوّريهـا وان لقيتيها؟ تعالي الشوق حاظر بسألك وان ماقدرتـي تنطقيهـا اوعدك انساك قبل اصحى لباكر [/ALIGN][/CELL][/TABLE1][/ALIGN] |
غثـــــّه
[ALIGN=CENTER][TABLE1="width:80%;background-color:black;"][CELL="filter:;"][ALIGN=center] https://imagecache.te3p.com/imgcache/...31e5118175.jpg عليها ذكر الله من حكـيٍ يقولونـه ومن عيون الحسد ان كان شافتهـا قالوا غثيثه تغثّـك حيـل ملسونـه قالوا وقالـوا ولا هـزّوا مكانتهـا ما نسمع الهرج والعـذّال يروونـه ما نقّصوا بسّ !! زادوني بمحبتهـا لو هم يشوفون بعيوني مدى كونـه كان اصبح الكون كلّه تحت رايتهـا هذي العسل والشهْد والماي في لونه شفّافـة القلـب تعجبنـي براءتهـا لا من حكت يسكت العالم وما دونه كـلّ ٍ يفكّـر ويتمـنـى ثقافتـهـا فيها ابتسامه تداوي القلب وطعونـه خفيفـة الـدمّ ياموتـي بضحكتهـا الطيب فيها وفيهـا الثقـل وفنونـه عريبة الجـد تسحرنـي رزانتهـا يكفي عيوني تناظر فيهـا مجنونـه والقلب يكفيه كلمـه مـن سعادتهـا قلبـي هواهـا ولا بيّـح بمكنونـه حفظت سـرّي وتاركهـا براحتهـا ان كان هذا غثاهـا الّـي يقولونـه فـيالله تبلانـي وتكرمنـي بغثّتهـا [/ALIGN][/CELL][/TABLE1][/ALIGN] |
افتحي قلبي
[frame="5 70"] https://lh4.googleusercontent.com/-1...-heart_lrg.jpg افتحي قلبي كما فتـح الكتـاب تبّعي بصْبْعك واقري وش كتـب لا قريتي سطر تلقيـن العجـاب كمّلي الباقي تشوفيـن العجـب انصتي للشرح واسلوب العتاب شوفي افنون المحبّـه والعتـب اسألي واستنطقي منْه الجـواب قولي انطق وش تبي منّي أجب اسمعي نبضه وطلّي فالسحـاب قارني شوقه بقطرات السحـب اكسري الحاجز وتطويق الشهاب ارضخي للحب واطفي هالشهب انسي الماضي بلا همّ وحسـاب ابتدي فيني وفي قلـبٍ حسـب كم تحرّى جيّتك بين الخضـاب لين دمعه شقّقـه ثمّـن خضـب ان عجبك الخط وسطور الكتاب والاّ روحي كنّ ما شيّ انكتـب [/frame] |
مقارنة
[/align][/cell][/table1][/align][align=CENTER][table1="width:80%;background-color:burlywood;"][cell="filter:;"][align=center] ياما حلا الطــــــاروق لا من تهيّا ببيــــــــات جزلاتٍ ثقال وعراضي على صــــــــــــــباح ٍ فيه دلّة عميّا عجوزة ٍ تحــــــــمس بليّا اعتراضي تزيّن القـــــــــــــهوه بتيّـــا وتيّــا والخبز فوق الصـــاج له قلب هاضي ياحلو عيشتـــــــــها وذاك المحيّا رغم العـــــمى قالت لي القلب راضي هي مبــــصره بالقلب لو ما تريّا من طـــــيب نفسٍ زايد الفوح ناضي وامّا بنات اليــــوم لا شي وشيّا تصحى بعيدالعـــصر تبغى مقاضي تحْت ظلال الســــوق دايم تفيّا خساير ٍ فيــــــــها ولا به عياضي من مهرها مـكوي وزادتك كيّا وش فايدتها لو بوســط الفياضي ماغير تطلب كلّ ما جيــت هيّا هيّا حبيبي دامك اصبـحت فاضي قم وافتح الجيبــين يابو محيّا وابسط ذراعك فرض مـاهو افتراضي مجبور ترضيها شبيـهة ثريّا لو كان تتسلّف عشان البيــاضي والاّ احرمت عينك وشـفت الاذيّا وتشوف نجم الظـهر وتشبّ لاظي [/align][/cell][/table1][/align] |
صغيرونة القد
[ALIGN=CENTER][TABLE1="width:80%;background-color:gray;border:10px ridge darkred;"][CELL="filter:;"][ALIGN=center] https://www.up.az3rena.com/images/584...8844981908.jpg تضحك وتتمايل صغيرونة القد وتهيّج احساسي الى من حكت لي في حكيها رقّه وفي صمتها جد اموت فيها لا اقتربت ولمت لي في قلبها طيبه وماتعرف الصد لا ضقت ماترضى واذا رحت جت لي ابوسها في يد وآبوس في يد واضمّها لامن ضميت وضمت لي وابوسها عالراس واحيان فالخد واذوب اذوب ابحضنها لا دنت لي اموت فيها والهوى مالقى حد ما ملّ حبّ اللي بعيني صفت لي تودّني وآقابل الود بالود كلّ الحنان اعطي لها لو شكت لي تشتاق لي لا غبت واشتاق وآعد كل الدقايق واتلي الحب واتلي القلب مسكنها وابد مالها ند هي وحدها فالقلب تآمر بقتلي [/ALIGN][/CELL][/TABLE1][/ALIGN] |
:: الردود على ديوان الشاعر / خالد بن منشار ،،، ::
:ordh::ordh: :ordh::ordh::ordh: :ordh: الف مبارك عليك اخي خالد الديوان :ordh: :ordh:............ تستحق ذلك ............. :ordh: :ordh:...سعدت بصحبة واخراج قصائدك . .:ordh: :ordh:واتمنى ان اكون وفقت في تنسيقها :ordh: :ordh:......... واعتذر عن التأخير.. ......:ordh: :ordh::ordh::ordh::ordh::ordh: |
مبروك اخوي خالد
شكرا سراب تحذف وتقفل الردود من الديوان تحيتي وتقديري ويغتح موضوع جديد اسمه : الردود على ديوان الشاعر خالد |
| الساعة الآن 09:00 PM |
Powered by vBulletin .
جميع الحقوق محفوظة © لشبكة ومنتديات البراري 2010