|
لا تْغيب وأنت المصير اللي ما منَّة هروب
وإشراقتك تسلب النجمات من ليلها وشلون أضيق بحضورك وأنت كل الدروب اللي ليا ضاق صدري سقت رجلي لها |
ياسيّدة هالمسا لو للمسافات : ريق
تبلّها خطوتينك في ظلامٍ بري . اذا بغيتي نعرّض حزننا في مضيق واذا بغيتيه ينعم فالسّعة .. آمري |
مترقّب فْراق مدري كيف مدري متى
ما غير بيني و بين الفقد ميعاد "بين" يا رب لا تكتب الـفـرقـا بْـ ليلة شتا ساعاتها طْوال و الساعة بها "عقربين" |
مروا البال لا صار اللقا مستحيل
واجبروا خاطر العشره بصدفة لقا غايبيني عشان الملح ردوا الجميل وارجعوا مو حبايب .. ارجعوا اصدقا ! |
مهما نمى الياس في صدري وتهت الطريق
وقوارب الطيب : خانتها مجاديفها أيامي السود لا وصْلت لحاجة رفيق ما هو بأنا اللي يخليها على كيفها ! |
تبّت يدين الظروف اللي خذتها وتَب
قلبٍ تجرّع مرارتها و لا عافها ودّعتها بـ كفّ مرتابه و دمعة عتب طاحت ولا عيّنت من يمسح أطرافها |
فراق ، و الذكريات تصير كومة رماد
و الليل ينفث عليها لين قلبي ، يضيق ! بعدك عيوني قسم بالله / رهن الجماد : اما بكت من عطر والا بكت من طريق ! |
🍂
مصير الليالي تشفي الجرح من يمناك و تضفي عليّ . . . اللي يمينه تقدّرني ختام السوالف كلها و العلوم اعفاك خسرتك سنه لكنك سنين خاسرني . |
مدني بالوصل لاتقطع شفاة الهايم
وبق لي لو من دقايق وقتك المستقطع َ راضيً بشويّك الزين القليل الدايم عندي إنه أخير من الواجد المتقطع . |
-
يقولون وش حالك وانا اقول حالي زين لو ان البلآ في داخل الجوف متمكن اسوق القدم وآسج واسلى مع السالين وعيت جروحي لا تشالا ولا تسكن |
| الساعة الآن 10:20 PM |
Powered by vBulletin .
جميع الحقوق محفوظة © لشبكة ومنتديات البراري 2010