كاتب سعودي يتساءل عن استعدادات شركة الكهرباء لمواجهة صيف هذا العام

[هوصان الروقي]

شي طبيعي راح يطفي الكهرب كل دقيقه

الله يعين بس

لاهنت يا تركي

[ناصر العبدلي]

كم من المليارات ضخت للكهرباء لكن بدون تقدم يذكر والخلل في التخطيط الاستراتيجي للمدن ينمو ببطئ
اشكرك اخي تركي الوائلي

[Al-KHUSHAIBY]

متعودين من شركة الكهرب
راح تطفي
وانا اكتب الان
الكهرب طافي

[رياح الصبا]

بارك الله فيك
بيض الله وجهك
يعطيك العافية

[يآرب عفوك]

في مكة المكرمة حصل الأتي :

انقاطع للكهربآء كل يومين او ثلاثه، تقدمنا بالبلاغ للشركة ، ومن ثم قآلوا لنا كلها كم دقيقه وبنرسل لكم المهندس، تمر الدقايق وتعقبها الساعه تلو الساعه ، والله ياجماعه لاحياة لمن تنادي ، توفي رجل طاعن في السن والسبب انقطاع التيآر الكهربآئي ، المهم عآلجوا المشكلة بعد مرور اكثر من 24 ساعة ، الثلاجات الاكل اللي فيها ، فيه ناس حالتها حاله ماتجيب الريال الا بعد طلعت الروح ويوم يشترون الأكل لعيآلهم ويحطونه بالثلاجة خلال عملية فصل التيآر الكهربآئي ، شي طبيعي الأكل بينعدم ، انا شاهدت كثير من الجيران ينزلون كراتين من المواد الغذائيه انعدمت والسبب انقاطع التيآر الكهربآئي ،
غير هذا كله يتم اصلاح الكهربآء بشكل سريع وعشوائي بحيث ان السلك يكون ظاهر والسيارات من فوقه رايحه جايه ، ومره انفرج السلك ولكن الحمدلله ماكان فيه اطفآل ولا كان في حآلة وفاة ،

واذكر العام اللي راح استمر انقطاع التيآر الكهربائي 3 ايام قبل الاختبارات بكم يوم، العالم هجت والبيوت بعضها انسرق بسبب هجرة الاهالي الى الفنادق والشقق المفروشه وسبب هجرتهم انقطاع التيآر الكهربآئي والتأخر في اصلاحه ،،

ولكن لأحيآة لمن تنآدي ولو ان في الحي حقنا مسؤول كبير ـ صدقوني راح يركبون لنا كيابل واسلاك من ذهب والماس ولكن الشكوى لله ،،

وشكرآ أخي تركي على اختيآرك للموضوع

[سمير الساحل]

في قرى القنفذة الشمالية
منذ أسبوع والكهرب تطفى وتشتغل
واذا اشتغلن ضعيفة
وعلى هذا الحال كل سنه
ورقمهم مشغول او يقولون بعد ربع ساعة تشتغل
وهذا كذب غير صحيح لاتشتغل الا بعد ساعات
يكفي اعذار يكفي خطط فاشلة

[Rahal Sudair]

مشكور اخوي والله يعين

قبل نص ساعه طافي قعد ربع ساعه وشتغل وقبل شوي طفا ثانيه
ومس وقبله وقبله نفس القصه

استغرب المليارات الي راحت على شركه الكهرب
لعب على هالعالم حسبي الله ونعم الوكيل

[يآرب عفوك]

ذكرتني ياسمير بالديرة ، كان انقطاع الكهرباء بشكل يومي الين اصبح عادة

اذكر اول اذا سافرنا الديره كنت اشتري معي ناموسيه على شان النامس مايلسعني اذا انطفى الكهرب وكانوآ اهالي الديره يثلجون الماي من بدري على شان اذا انطفى الكهرب يذوب الثلج ببط >>> كان يسويها هههه

لا وبعد لاجيت عند الفلبيني ، عطاك التصريفه المعروفة يقول شويا يجي <<< شويه يعني 24 ساعه وعلى حسب مزاجهم

لا وبعد اذكر ان الشيخ حقنا الله يطول بعمره ، انفصل الكهرب عليه ، مدو له سلك لحآآآآآآآآآآآآآآآآآآآآآآآله من تحت الارض كيف سووه مادري بس كان البيت الوحيد اللي ماينطفي نوره هو بيت الشيخ ،،

واحنا ذبحنا النامس لاوبعد ماهوب اي نامس ،، النامس اللي بالديره متعافي تشوفه تقول خفاش ، واذا صحينا الصبح نتفرج في وجيه بعض من لسعات النامس ،،

لكن الله يكون بالعون

[يآرب عفوك]

برايفت لبئر هداج::: يعجبني تواجد في شبكة البراري وكنت من اشد المتابعين لك في تحليلك للطقس اتمنى لك التوفيق

[أحمد الشريف]

قبل اسبوع الكهرب كان عندنا يطفي و يشتغل وهذا لسى الصيف ما جاء

والصيف هالسنة شكلوا شواية