كاسر سحابه

[ابن حماد]

عسى السحاب اللي ابروقه به شبوب
في روس مزنه بارقه يشعل سناه

يمطر على دار المليحا والعوب
ياخذ ثلاث ايام شقن من سماه

كاسر سحابه متجه شرقي جنوب
مع الهواء ينزاح قدامه طهاه

وقت الضحى يوم ابصرته العين نوب
اقول هذا الليل عود في دجاه

متحدر وبل الغشين امن النصوب
ضاقت مجاري سيلها من كثر ماه

بعد ثلاثه واربعه عد محسوب
ريح الخزاما والنفل عطر هواه

من الزهر لبسة صحاري نجد ثوب
ثوب يسر اللي نظر له من بهاه