استغفر الله عدد مالاح ⚡⚡⚡⚡⚡⚡

[الركام]

‏استـغـفـر الله عـدد مـالاح
برق على الـخـير مـاريـــــه

واستغفر الله عدد مــاراح
وسمي وما غير طــاريــــه

تمرنا السحب وهي شحاح
وسـنيـننـا دوم دهـريــــــه

ان رحت للبر صدري فــاح
شوفي للاغصـان مبريـــــه

البل معـاد هي بصـحـــاح
ترعى الشجر دوم حدريـه

راع الابل كيـف هـو يرتـاح
ياكيـف مـافـيـه غـاريـــــه

ان كان مافاد نصح نصـاح
فـلا ياخـذ الامـر حـريـــــه

معـاد شفـنـا خضـار طلاح
والسمر اعلن طـواريــــــه

بيـض تلاوح كمـا الالـواح
لا ظل وارضـه غـبـاريــــه

الطـيـر لياجـا يـبي يرتــاح
واخص طير القـميـريـــــه

ماغير شمس سمينه ساح
او ظل في وقت عصريـــه

يجـي غــداة ولـه مـرواح
والارض مـاغير قـفـريــــه

يامكافحين التصحر ضـاح
ولاعـاد فيهـــا معذريـــــه

ولاعاد يحتـاج زود ايضـاح
صارت تجـرّد صحـاريـــــه

الركام

[رذاذ]

المشاركة الأصلية كتبت بواسطة الركام

‏استـغـفـر الله عـدد مـالاح
برق على الـخـير مـاريـــــه

واستغفر الله عدد مــاراح
وسمي وما غير طــاريــــه

تمرنا السحب وهي شحاح
وسـنيـننـا دوم دهـريــــــه

ان رحت للبر صدري فــاح
شوفي للاغصـان مبريـــــه

البل معـاد هي بصـحـــاح
ترعى الشجر دوم حدريـه

راع الابل كيـف هـو يرتـاح
ياكيـف مـافـيـه غـاريـــــه

ان كان مافاد نصح نصـاح
فـلا ياخـذ الامـر حـريـــــه

معـاد شفـنـا خضـار طلاح
والسمر اعلن طـواريــــــه

بيـض تلاوح كمـا الالـواح
لا ظل وارضـه غـبـاريــــه

الطـيـر لياجـا يـبي يرتــاح
واخص طير القـميـريـــــه

ماغير شمس سمينه ساح
او ظل في وقت عصريـــه

يجـي غــداة ولـه مـرواح
والارض مـاغير قـفـريــــه

يامكافحين التصحر ضـاح
ولاعـاد فيهـــا معذريـــــه

ولاعاد يحتـاج زود ايضـاح
صارت تجـرّد صحـاريـــــه

الركام

حروفٌ متوهجة
يتطاير منها شرر الإبداع
أنارت ظلام المنتدى ..
اسمح لي بالمكوث هنا
لأرتوي من أحرفك التي وكأنها قطرات مطر
تنزل على أرض ظمأنه..
أرى العالم جميلاً كجمال عطائك..

صح لسانك شاعرنا الركام لروعة وجمال بوحك ..
وسحر حروفك وكلماتك ..
فائق الأحترام والتقدير لك



رذاذ

[الركام]

صح لسانك رذاذ
واشكرك على اسلوبك الراقي وكلماتك الجميلة والممشجعة
🌹🌹🌹

[ابن حماد]

صح لسانك يابو سعود جزله من شاعر مبدع

أستغفر الله عدد منباح
نور الفجر ونتشر ضيه

واستغفر الله عدد مافاح
عطر النفل وسط قفريه

واستغفر الله عدد ماساح
حبر القلم جوف مطويه

واستغفر الله عدد ماناح
ورق على الدوح عصريه

واستغفر الله عدد منزاح
غيم ن قفته الشماليه

أستغفر الله عدد ماضاح
برق ن تواهج ابسيليه

[بقآيآ .. حرف]

صح الله لسانك يابو سعود
وفيت وكفيت بالجزله يالجزل لا عدمناك
كل التحايا

[الركام]

يابوسعود الوبل ما طاح
يازين ذكره و طاريــــه

وَيَا زين ريح النفل لا فاح
مخلوط ربل و شماطريه

تذكر سحاب زمان راح
وللأرض ما فيه ماريه

وراع الدبش كان هو مصلاح
ويشرب حليب و بريه

فيبعد عن الطلح في المسراح
يخليه منزل قميريـــه

لجاء نشامى يبون مراح
ويبون راحه و حريه

والصيد لاشافهم ماراح
ماذيروه الشقرديه

ونرفع يدينا بدون صياح
ندعوه جهر و سريه

عسى يعجلنا المرواح
يسقي المزارع وبريه

وعساك عند النخل ترتاح
وسيله يغبي سواقيه

وليت السحايب لها مفتاح
ونصلحه في الصناعيه

سعد بن ثنيان

[Abu Labeeb]

صح لسانك يالركام مبدع كعادتك
وان شاء الله قريبا تسوي قصيده في
الربيع والازهار

[الركام]

اشكر لكم جميعامروركم الكريم
🌹

[سحاب شقراء]

انتا طبيب الشعر جراح
وماتنزف اجروح مغليه

انت الركام وبله طاح
يالله عسا الريح هيفيه

ارفع كفوفك ودمعك ساح
ورسل رسايلك ليليه

سبحان ربي عدد مالاح
برقن من الغرب وسميه

وبشر بروضن يجي فواح
بمرالولي صار زوليه

ويعل منهو بفاسه راح
يقظي على اثنين بالميه

جعل الفقريالحقه نباح
بحزمه من السوق مشريه

سحاب شقراء

[عبدالمحسن الرحمه]

صح الله السانك شاعرنا الفذ ابو سعود